年兜

倚年矣，家家戶戶大摒掃。阮趁年尾換膨床，因為臺北市實施「糞埽無落地」，所以愛先敲電話去佮清潔隊約時間，in 會派車來載。透早五點外，逐家攏猶閣咧睏，巷仔內恬(tsih-tsih)，共舊膨床車去巷仔口，khi-khi-kho̍k-kho̍k 足驚吵著厝邊。

紙嘛是愛回收。阮厝附近就有一个資源回收場，一寡用袂著的冊、紙…綑綑綁綁捆捆縛縛咧，捒去予in，會使換淡薄仔銀角仔轉來。查某囝問我，「我們家是剛好附近有資源回收場，還可以推過來回收，要是別人家附近沒有資源回收場的怎麼辦？」這我嘛袂曉。認真共想起來，我拄才彼緟紙26公斤， ?(手冒, mooh)甲強欲歪腰去…囥落去磅仔磅，phông一聲，遮爾仔重的物件，若是無電梯，是欲按怎?(手冒, mooh)落去樓跤，閣再?(手冒, mooh)去回收場？加?(手冒, mooh)幾逝，藥仔錢就無夠。

去菜市仔，凡勢是疫情的關係，無像以前按呢人洘秫秫，毋過嘛是挨挨陣陣，鬧熱滾滾。攤販一擔一擔，賣雞賣魚賣果子 雞擔、魚擔、果子擔…一擔一擔，愛補貨，愛姑情人客來買，喝來喝去，猶閣有摩托車 ōo-too-bái 的引擎聲，跤踏車的擋仔聲，遮的聲音，一陣一陣一聲一聲，交織做年兜的交響曲。

多謝黃耀庭老師鬥修改

(mooh) 共「抱」無仝。