南方澳買魚進階練習 – 定置網漁法篇 游冠軍2023.4.02
餐廳王老闆(以下簡稱王): 阿超啊! 恁阿伯（的漁船）這馬猶釣有馬加無?
阿超哥(以下簡稱超):昨昏有，今仔日無。
王: 昨昏釣偌濟 ? 大尾小尾?
超:昨昏釣6尾，攏大尾的，逐尾都超過四公斤。
王:今攏都賣了了去矣?
超:昨昏猶沒中晝，就攏去予買去矣…
王:攏無先留兩尾仔予我?!
超:頭家你若確定欲要，看欲愛幾尾，後遍若有釣著，我才隨敲手機仔共跟你講.
王:好，後遍恁若釣有馬加，毋管大細尾，我攏總買。
超:好，到時，我會共你留起來。
王:今仔日，猶閣有啥物魚仔通做さしみ的?
超:頭家你共看.這馬遮的攏早起才掠起來的，逐尾嘛攏會使刣さしみ!
王: 早起掠的? 敢有影?
超:這就東澳遐的“煙仔空”(定置網)掠的，拄才撈起來的
。你共看! 青苔魽、瓜子魽、紅目魽、牛港、虎頭魽，逐尾嘛金鑠鑠!
王:遮的我攏欲買，先共秤看攏總多少，毋免殺，阮家己會處理，我隨叫人開車馬上來載。飛烏虎今較少矣的款?
超:頂個月就攏掠無啊，若愛，可能要等七月看有無!