舊曆八月的秋天
華語原作：游冠軍老師 台文撰寫校對:黃登英老師、黃玟錦老師
這馬已經是八月矣。咱家鄉有一句俗語講：二八月亂穿衣。意思是講八月時，因為天氣連鞭寒、連鞭熱，所以咱人穿衫嘛會連鞭短䘼、連鞭長䘼。
咱宜蘭傳統的農村較無佇八月十五中秋節，毋過若講著咱定定佇食的中秋餅，其實佇咧過去，嘛分足濟種(tsióng)的，有平西餅、有膨餅、嘛有大餅，猶閣有咱這馬較捷食的『蛋黃酥』（華語），號做「卵仁酥」，猶閣一種這馬真流行的『廣式月餅』（華語）。
若講著海產咱南方澳仔對(uì)這馬八月開始，較大出的有花飛、巴浪、白帶魚、鯊魚，若花飛咱本海佇掠的，主要是「烏目蕊仔」這種；嘛有「白肚仔」，但是較少(tsió)；巴浪這馬是「鳥尾巴浪」較濟。
咱這个舊曆八月，實在是一个物產豐富，天氣多變的月份。