傷心當店

《傷心當店》Siong-sim Tǹg-tiàm

林子娟Lîm Tsú-kuan

——————————————

送你一首痴情歌

sàng lí tsi̍t-siú tshi-tsîng kua

男女主角家己搬

lâm-lú tsú-kak ka-tī puann

愛情故事規大攤

ài-tsîng kòo-sū kui-tuā-thuann

最後變成手中沙

tsuè-āu piàn-sîng tshiú-tiong sua

怪你當初軟心肝

kuài lí tong-tshoo nńg sim-kuann

驚阮受風受雨會畏寒

kiann gún siū hong siū hōo ē uì-kuânn

誰知感情起變化

siáng tsai kám-tsîng khí piàn-huà

失去的愛

sit-khì ê ài

親像千刀萬割

tshin-tshiūnn tshian-to bān-kuah

為你付出

uī lí hù-tshut

心疼摸心肝

sim thiànn bong sim-kuann

為你流的目屎

uī lí lâu ê ba̍k-sái

已經焦

í-king ta

山盟海誓

san-bîng-hái-sè

等待無較縒

tán-thāi bô-khah-tsua̍h

另外揣一个幸福的伴

līng-guā tshuē tsi̍t-ê hīng-hok ê phuānn

為你付出

uī lí hù-tshut

心疼摸心肝

sim thiànn bong sim-kuann

將阮傷害

tsiong gún siong-hāi

後悔來咒誓

hiō-hué lâi tsiù-tsuā

千言萬語

tshian-giân bān-gí

最後來變卦

tsuè-āu lâi piàn-kuà

傷心當店

siong-sim tǹg-tiàm

是阮最後的靠岸

sī gún tsuè-āu ê khò-huānn