五分鐘的愛
《五分鐘的愛》Gōo-hun-tsing ê Ài
林子娟Lîm Tsú-kuan
——————————————
閃閃爍爍的天星
siám-siám-sih-sih ê thinn-tshinn
親像你對阮的心
tshin-tshiūnn lí tuì gún ê sim
起起落落的個性
khí-khí-lo̍h-lo̍h ê kò-sìng
總是予阮看袂清
tsóng-sī hōo gún khuànn buē tshing
閃閃爍爍的路燈
siám-siám-sih-sih ê lōo-ting
親像你對阮的情
tshin-tshiūnn lí tuì gún ê tsîng
袂當等到明仔載
buē-tàng tán-kàu bîn-á-tsài
天色若光變無形
thinn-sik nā kng piàn bô-hîng
無情的世界
bô-tsîng ê sè-kài
總是需要愛
tsóng-sī su-iàu ài
若無真心對待
nā-bô tsin-sim tuì-thāi
怎樣會久長
tsuánn-iūnn ē kú-tn̂g
寂寞的心
tsi̍k-bo̍k ê sim
嘛希望你來愛
mā hi-bāng lí lâi ài
又驚受傷害
iū kiann siū siong-hāi
毋願閣接受
m̄-guān koh tsiap-siū
你五分鐘的愛
lí gōo-hun-tsing ê ài
毋願閣再等待
m̄-guān koh-tsài tán-thāi
雖然難免孤單
sui-jiân lân-bián koo-tuann
也著忍耐
iā tio̍h jím-nāi
一个人較自在
tsi̍t-ê-lâng khah tsū-tsāi
毋願閣接受
m̄-guān koh tsiap-siū
你五分鐘的愛
lí gōo-hun-tsing ê ài
毋願閣再等待
m̄-guān koh-tsài tán-thāi
雖然有時無伴
sui-jiân ū-sî bô-phuānn
也著忍耐
iā tio̍h jím-nāi
總比為愛受折磨
tsóng-pí uī ài siū tsiat-buâ
閣較快活
koh-khah khuìnn-ua̍h
