彌補

《彌補》Mî-pòo

林子娟Lîm Tsú-kuan

——————————————

總是失去後

tsóng-sī sit-khì āu

才知影怨嘆

tsiah tsai-iánn uàn-thàn

受傷後

siū-siong āu

才知影欲疼痛

tsiah tsai-iánn beh thiànn-thàng

總是離開後

tsóng-sī lī-khui āu

才知影思念

tsiah tsai-iánn su-liām

絕情換來一場空

tsua̍t-tsîng uānn lâi tsi̍t-tiûnn khang

如果有未來

jû-kó ū bī-lâi

提會起勇氣

the̍h ē-khí ióng-khì

閣轉來你所在的城市

koh tńg-lâi lí sóo tsāi ê siânn-tshī

如果你愛我

jû-kó lí ài guá

請你越頭看

tshiánn lí ua̍t-thâu khuànn

清醒了後才會知影

tshing-tshénn liáu-āu tsiah ē tsai-iánn

毋願你形影留佇心肝底

m̄-guān lí hîng-iánn lâu tī sim-kuann-é

只要你在我眼前出現

tsí-iàu lí tsāi guá gán-tsîng tshut-hiān

毋願佇夢中迷濛來相會

m̄-guān tī bāng-tiong bê-bông lâi siong-huē

彌補過去

mí-póo kuè-khì

毋通予我性命咧落雪

m̄-thang hōo guá sìnn-miā teh lo̍h-seh