http://www.youtube.com/watch?v=lxa51-1nDEo
留傘調
宜 蘭社大好名聲，逐家同齊來打拚，
認真學習一定贏，人人呵咾佮感謝。
蘭 陽文風冠全台，欲學趁早趕緊來，
讀冊唸歌真精彩，逍遙自在眾人愛。
狀元樓.
社 區關懷愛參與，琴語詩畫逐項有，
音樂運動和跳舞，食穿蹛行學文史。
區 段隨意在汝選，相招作伴來運轉，
終身學習廣流傳，予咱流行通臺灣。
桃花過渡
大學大門為咱開，知識解放大作為，
葛瑪蘭的芳花蕊，彩色人生有夠嫷。
學 習無分老共茈，社會改造出頭天，
公民社會茁新穎，開花結果心頭甜。
講師好禮笑微微，
安排課程真趣味，
學生學甲足歡喜，
包恁滿意笑嘻嘻。
宜蘭社大好所在，
培養國家好人才，
誠懇邀請逐家來，
創造美麗新世界。
草蜢弄雞公
學員:方淑妙.蘇林梅枝. 楊清鐘.凌筠茹.楊朝財.
黃秀枌. 賴汝森. 林月娥.陳佳秀.張家榮.
感謝
伴奏 張月娥 老師. 游冠軍 老師
客串演出 陸貴香.黃陳採. 龍秀蘭老師.鄭麗真老師.
攝影剪輯 藍浩瑋 老師
帶動唱-..歌仔戲調等
２００７宜蘭社區大學 成果展典禮 DVD帶
Gî – lân – siā – tāi hó miâ – siann
宜蘭社大好名聲，
Ta̍k – ke tâng – tsê lâi phah – piànn
逐家同齊來拍拚，
Jīn – tsin ha̍k – si̍p it – tīng iânn
認真學習一定贏，
Lâng – lâng o – ló kah kám – siā
人人呵咾佮感謝。
Lân – iâng bûn – hong kuàn tsuân – Tâi
蘭陽文風冠全台，
Beh – o̍h thàn – tsá kuánn – kín lâi
欲學趁早趕緊來，
Tha̍k – tsheh liām – kua tsìn tsing – tshái
讀冊唸歌真精彩，
Siau – iâu tsū – tsāi tsiòng – lâng ài
逍遙自在眾人愛。
留傘調
２００７宜蘭社區大學 成果展典禮 DVD帶
學員:方淑妙.蘇林梅枝. 楊清鐘.凌筠茹.楊朝財.
黃秀枌. 賴汝森. 林月娥.陳佳秀.張家榮.
感謝
伴奏 張月娥 老師. 游冠軍 老師
客串演出 陸貴香.黃陳採. 龍秀蘭老師.鄭麗真老師.
攝影剪輯 藍浩瑋 老師
帶動唱-..歌仔戲調等
…
留傘調
宜 蘭社大好名聲，逐家同齊來打拚，
認真學習一定贏，人人呵咾佮感謝。
蘭 陽文風冠全台，欲學趁早趕緊來，
讀冊唸歌真精彩，逍遙自在眾人愛。
狀元樓.
社 區關懷愛參與，琴語詩畫逐項有，
音樂運動和跳舞，食穿蹛行學文史。
區 段隨意在汝選，相招作伴來運轉，
終身學習廣流傳，予咱流行通臺灣。
桃花過渡
大學大門為咱開，知識解放大作為，
葛瑪蘭的芳花蕊，彩色人生有夠嫷。
學習無分老共茈，社會改造出頭天，
公民社會茁新穎，開花結果心頭甜。
.
宜蘭社區大學 成果展典禮
捕魚歌
宜蘭社大成果展，千變萬化來呈現，
多元課程排利便，趕緊報名免欣羨。
樂器演奏歌表演，插花刺繡膨紗編，
畫圖書法真老練，欲學無分老少年。
黃梅調.
中餐西餐十八變，咖啡點心足新鮮，
有食有掠罔消遣，無煩無惱厭。
同學湊陣好人緣，理想願望著實踐，
美妙人生通改善，包恁快樂若神仙。
南光調
頭腦無用會生鉎，輸人輸陣驚落臉，
修身養性學聖賢，決心學習意志堅。
繁華歲月如雲煙，請恁看阮來放電，
好聽歌聲響連天，康健富貴萬萬年。
草蜢弄雞公
宜蘭社大好所在，培養國家好人才，
誠懇邀請逐家來，創造美麗新世界。
講師好禮笑咪咪，安排課程真趣味，
學生學佮足歡喜，包恁滿意笑嘻嘻。
作者 台語相褒班 講師 莊文龍
(03)9889197
0911217668
dra@ilc.edu.tw
…
方淑妙. 黃梅調
單身一個無妻兒，衫褲破佮離離離，
只好佮補閣共縫，阮是暗中合意伊。
蘇林梅枝 黃梅調
阮的名字叫梅枝，人阮英語叫Meggy(梅姬)，
頭殼大大毋用伊，善良單純做底地。
透早煮食好料理，包仔好食無稀奇，
養生饅頭加枸杞，好食肚飽著會記。
楊清鐘 卜卦調
台電公司我頭路，電器智識真濟步，
公開場所人呵咾，司令主辦袂粗魯，
社交舞會我會跳，翁某放伴攏無了，
花步真濟愛會曉，姿勢毋對某會喬。
黃陳採 相褒調
礁溪出名帝君廟.柴城有溪佮造橋.
趁有錢銀著保惜.雙手捧金滿廟燒
陸貴香 相褒調
礁溪出名 關帝 君.海口出有火燻船.
佮恁一人蹛一崙.今日來遮才仝群
游冠軍 古七字調
黃槴開花滾輪捘，山茶開花芳過崙，
小弟名叫游冠軍，來學褒歌是緣份，
冠軍毋是水郎君， 寫字彈琴假斯文，
暢樂褒歌有學問， 佮恁共學上好運。
凌筠茹 黃鸝鳥調
我的名叫凌筠茹，父母攏講我真廬，
佳哉做事袂馬虎，返來宜蘭展功夫。
會當上課真福氣，宜蘭鄉腔學袂離，
用心準備大代誌，鄉親相褒笑嘻嘻。
方淑妙 吟詩調 作者賴汝森
烏鶖雙宿在樹枝，田蠳點水兩相依，
天頂一隻白鴒鷥， 孤單無依那裡去？
楊朝財 捕魚歌
我姓楊名叫朝財，樸實勤儉照實來，
金銀財寶是我愛，呵咾良善閣袂。
我叫朝財逐家愛，嘴笑目笑笑咳咳，
不時嘴仔裂獅獅，人媠緣投擱海派，
古錐老實人人愛，古意勤儉又可愛，
加褒我閣假毋知，請恁逐家試看覓。
我叫朝財逐家愛，嘴笑目笑笑咳咳，
不時嘴仔裂獅獅，人媠緣投擱海派，
古錐老實人人愛，古意勤儉又可愛，
加褒我閣假毋知，豐富人生真精彩。
黃陳採 相褒調
觀音疊坐腳踏蓮，善財龍女排兩邊，
有滾有笑才袂僐，無煩無惱倒少年。
黃秀枌 黃梅調
秀枌是我的名字，四十九年來出世，
土生土長宜蘭市，講話腔口故鄉味。
家住壯圍古结村，路面平坦緊擱順，
風景宜人看白雲，沙埔釣魚解心悶
小妹佇教咱台語，學生成就上歡喜，
智慧傳承靠意志，祖先語言才袂離。
陸貴香 吟詩調
雙人相招欲散步，行了腳酸坐草埔，
雙人坐落草埔頂，欲講幾句的愛情。
夯頭一看天就暗，
講起愛情害死人，害阮相思病即重，
先生來看無彩工，愛人來看好噹噹。
方淑妙 楊清鐘 答喙鼓
方才拄著少年家，伊著共阮使目尾，
問阮欲嫁也毋嫁，害阮歹勢頭犁犁。
小姐毋免驚歹勢，男大當婚女該嫁，
你若肯嫁阮為妻，包你食穿無問題。
小姐生作真正媠，阮是真心佮意你，
請你予阮作細姨，毋知可以毋可以
先生毋通這痟貪，想欲雙手牽雙人，
世間絶對無這款，某若一個較輕鬆。
陸貴香 黃陳採 仙鄉歲月調
春天百花正當開，紅花白花排規排，
風光美景真可愛，可比仙女下瑤台。
方淑妙 吟詩調
春風吹來真輕鬆，看著蝴蝶弄花欉，
思念 郎 君你一人，毋通閣再予阮等。
賴汝森 林月娥 狀元樓調
阮姓林名叫月娥，今年遇好四十五，
細漢卡醜面卡烏，個性粗魯人放放，
上愛吃是鹹菜脯，希望一生來暢樂，
天生一愛吃醋，毋想嫁人夆做某，
無疑閣嫁著憨虎，如今變佮土土土，
想著嫁翁有若無，害阮青春來擔誤，
後悔懊惱恨當初，目睭怎樣予屎糊，
只好目屎吞腹肚，向望今後免受苦，
做人平實袂驕傲，佮翁同齊為前途，
搰力打拼收萬租，光明成功好見祖。
方淑妙 答喙鼓
寶釧寒窯十八年，攏食豬母乳仔來充飢，
平貴倒返來相見，伊講來者是何人?
你的喙鬚彼呢長，絕對毋是我夫君，
平貴聽著肝腸斷，手牽著著佮問，
十八年是真長，你的面肉嘛皺閣黃。
陸貴香 相褒調
日月雙掛照東臨，榮華富貴如浮雲，
修班實行早拿穩，免做輪迴路上人。
方淑妙 狀元樓調
洞房花燭雙頭紅，照著一對的新人，
頭巾一掀人攏戇，
才知新娘褲底破一孔。
姊仔!毋對啊啦! 那褲底破一孔是欲按怎見人?
對乎!只好閣來一遍! 才知新娘噹噹。
讚啊讚啊讚!有夠讚!
啊啊!有夠!
嘿!
相褒歌曲臺灣寶，出嘴成歌來相褒，
欲找這款世界無，逐家來學真正好。
現代褒歌真時行，唱出你我的心聲，
認真拍拼做好囝，疼惜臺灣同齊行。
宜蘭社大相褒團，創新變化要流傳，
需要逐家來運轉，予咱流行通臺灣。
講著褒歌人人愛，巧妙七字好安排，
唱出你我的氣慨，心聲講出通人知。
| 發表於 | 標題 | 閱讀 | 迴響 |
|---|---|---|---|
| 2009/09/30 23:07 |  蕭煌奇 – 阿嬤的話 | 163 | 0 |
| 2009/09/30 23:07 | 江蕙 家後 MTV | 246 |