分類：龍 自寫文章
2007/11/01 17:15
拍 算計畫勤讀冊
拚 命認真莫留白
讀 久體會寶貝提
冊 中好空在你踅。
學台語[虹彩妹妹]
Ha̍k – sing pîng – iú o̍h Tâi – gí
學生朋友學台語，
Tuā – siann khui – tshuì siāng huann – hí
大聲開喙上歡喜，
Ē – hiáu tha̍k – tsheh tsiùnn kua – si
會曉讀冊唱歌詩，
Tsit khuán khuài – lo̍k bô tè pí
這款快樂無地比。
Liām – kua suìnn sī hó tāi – tsì
唸歌算是好代誌，
Tha̍k liáu tsiok si̍k ke bat – jī
讀了足熟加捌字，
Kong – khò lán nā tsò uân – pī
功課咱若做完畢，
Îng – îng thang – hó liām kua – si
閒閒通好唸歌詩。
Phah – piànn tha̍k – tsheh tio̍h li̍p – tsì
拍拚讀冊著立志，
Siāng – khò tsìn – tsîng sing tsún – pī
上課進前先準備，
Būn – tê tshíng – kàu tsiânn iông – ī
問題請教誠容易，
Tsuan – sim thiann – khò ài ē kì
專心聽課愛會記。
Tsun – siú kui – kí thiann kà – sī
遵守規矩聽教示，
Jīn – tsin beh lâi o̍h bat – jī
認真欲來學捌字，
Lú o̍h kám – kak ū ì – gī
愈學感覺有意義，
Ē – thiann ē kóng tsìn tshù – bī
會聽會講真趣味。
Sió – ha̍k tha̍k – tsheh kiōng la̍k nî
小學讀冊共六年，
Tio̍h – ài pá – ak tsi̍t tang – sî
著愛把握這當時，
Phah hó ki – tshóo khah iú – lī
拍好基礎較有利，
Tshin – tshiūnn khí – tshù hó té – tì
親像起厝好底蒂。
Ná o̍h ná sńg ná iû – hì
哪學哪耍若遊戲，
Tio̍h – ài phîng – liâng lâi khó – tshì
著愛評量來考試，
Tsainn – iánn thîng – tōo bô hi – khî
知影程度無稀奇，
Bē – hiáu koh o̍h tsainn pó – tshî
袂曉閣學知保持。
Tuì thâu tiông o̍h koh khai – sí
最後修改日期: 2009 年 3 月 30 日