寂寞的男兒
《寂寞的男兒》Tsi̍k-bo̍k ê Lâm-jî
周蓬霖Tsiu Hông-lîm
——————————————
五彩霓虹閃爍
ngóo-tshái nê-ông siám-sih
照落繁華夜都市
tsiò lo̍h huân-huâ iā too-tshī
街路無人顯稀微
ke-lōo bô-lâng hián hi-bî
小雨毛毛落袂離
sió hōo mn̂g-mn̂g lo̍h buē-lī
心愛彼个小姑娘
sim-ài hit ê sió-koo-niû
怎樣放阮做你去
tsuánn-iūnn pàng gún tsuè lí khì
你毋知我也每日
lí m̄-tsai guá iā muí-ji̍t
為你來心傷悲
uī lí lâi sim siong-pi
到底毋知等何時
tàu-té m̄-tsai tán hô-sî
才會來見面
tsiah-ē lâi kìnn-bīn
稀微無聊的長暝
hi-bî bô-liâu ê tn̂g mî
窗外雨水點點滴
thang-guā hōo-tsuí tiám-tiám tih
桌邊燈火無元氣
toh-pinn ting-hué bô guân-khì
伴阮為你空相思
phuānn gún uī lí khang siunn-si
心愛彼个小姑娘
sim-ài hit ê sió-koo-niû
怎樣放阮做你去
tsuánn-iūnn pàng gún tsuè lí khì
我毋是薄情又薄義
guá m̄-sī po̍k-tsîng po̍k-gī
彼款的男兒
hit khuán ê lâm-jî
想起你我的情意
siūnn-khí lí guá ê tsîng-ì
目屎澹目墘
ba̍k-sái tâm ba̍k-kînn
