逍遙
https://www.youtube.com/watch?v=8YU5AH4KIc8&fbclid=IwAR0_-rVFXI1ouOK1AhP5ZKqMcSUlrD5K0vTLmg-Hq1I1LFh7jUhYAcA7qG4
《逍遙》Siau-iâu
杜忻恬Tōo Him-thiâm
——————————————
一年三百六十五工
tsi̍t-nî sann-pah la̍k-tsa̍p-gōo kang
總有起也有落
tsóng ū khí iā ū lo̍h
風吹草動的心
hong-tshue tsháu-tōng ê sim
難免揣無方向
lân-bián tshuē-bô hong-hiòng
若將失敗化做力量
nā tsiong sit-pāi huà-tsuè li̍k-liōng
才有平靜的波浪
tsiah ū pîng-tsīng ê pho-lōng
堅定的選擇
kian-tīng ê suán-ti̍k
湧偌大免驚惶
íng guā tuā bián kiann-hiânn
短短人生
té-té jîn-sing
海海心情
hái-hái sim-tsîng
浮浮沉沉無確定
phû-phû-tîm-tîm bô khak-tīng
一寸光陰
tsi̍t-tshùn kong-im
免憂頭結面
bián iu-thâu-kat-bīn
努力
nóo-li̍k
每日是黃金
muí-ji̍t sī n̂g-kim
若是心事重重
nā-sī sim-sū tiông-tiông
我做你的聽眾
guá tsuè lí ê thiann-tsiòng
毋免縛著笑容
m̄-bián pa̍k tio̍h tshiò-iông
心嘆又奈何
sim thàn iū nāi-hô
何不逍遙自在
hô put siau-iâu tsū-tsāi
做一个人見人愛
tsuè tsi̍t-ê lâng kìnn lâng ài
快樂的人
khuài-lo̍k ê lâng
免驚心慒嗙嗙
bián-kiann sim tso pong-pòng
憂愁煞來侗戇
iu-tshiû suah lâi tòng-gōng
放棄你的靈魂
hòng-khì lí ê lîng-hûn
四界踅玲瑯
sì-kè se̍h-lin-long
踏著逍遙自在的跤步
ta̍h-tio̍h siau-iâu tsū-tsāi ê kha-pōo
換一个自信的角度
uānn tsi̍t-ê tsū-sìn ê kak-tōo
行家己的路
kiânn ka-kī ê lōo