純情來對待
《純情來對待》Sûn-tsîng Lâi Tuì-thāi
黃新桐N̂g Sin-tông
——————————————
我佮你異鄉來熟似
guá kah lí ī-hiong lâi si̍k-sāi
是環境錯誤安排
sī khuân-kíng tshò-gōo an-pâi
真不該做陣幾擺
tsin put-kai tsuè-tīn kuí-pái
雙人就來談戀愛
siang-lâng tiō lâi tâm luân-ài
無怪你對我無實在
bô kuài lí tuì guá bô si̍t-tsāi
怪互相無了解
kuài hōo-siong bô liáu-kái
為啥物你無來
uī-sánn-mih lí bô lâi
予我空等待
hōo guá khang tán-thāi
愛情最驚受阻礙
ài-tsîng tsuè kiann siū tsóo-gāi
偏偏情海起風颱
phian-phian tsîng-hái khí hong-thai
希望你會諒解
hi-bāng lí ē liāng-kái
純情來對待
sûn-tsîng lâi tuì-thāi
咱超出友誼的線界
lán thiau-tshut iú gî ê suànn-kài
是因緣錯誤安排
sī in-iân tshò-gōo an-pâi
真不該無來了解
tsin put-kai bô lâi liáu-kái
雙人就來談未來
siang-lâng tiō lâi tâm bī-lâi
無怪你對我無真愛
bô kuài lí tuì guá bô tsin-ài
怪互相袂忍耐
kuài hōo-siong buē jím-nāi
如今咱分東西
jû-kim lán hun tang-sai
感慨又何奈
kám-khài iū hô nāi
離開了後我才知
lī-khui liáu-āu guá tsiah tsai
猶原愛你在心內
iu-guân ài lí tsāi sim-lāi
期待你倒轉來
kî-thāi lí tò-tńg–lâi
真情來對待
tsin-tsîng lâi tuì-thāi
