流星的暗暝
《流星的暗暝》Liû-tshinn ê Àm-mî
黃新桐N̂g Sin-tông
——————————————
遙遠的海角天邊
iâu-uán ê hái-kak thinn-pinn
墜落了一粒流星
tuī-lo̍h liáu tsi̍t-lia̍p liû-tshinn
想起著少年的時
siūnn-khí tio̍h siàu-liân ê sî
初戀的伴侶
tshoo-luân ê phuānn-lī
有一暝我佮伊
ū tsi̍t-mî guá kah i
也有看見墜落流星
iā ū khuànn-kìnn tuī-lo̍h liû-tshinn
自彼日初戀的感情
tsū hit-ji̍t tshoo-luân ê kám-tsîng
漸漸無滋味
tsiām-tsiām bô tsu-bī
若親像流星墜落
ná-tshin-tshiūnn liû-tshenn tuī-lo̍h
消失海面去
siau-sit hái-bīn khì
啊~難忘的流星的暗暝
ah~ lân-bōng ê liû-tshinn ê àm-mî
過去的雖然過去
kuè-khì–ê sui-jiân kuè–khì
有時陣也會想起
ū-sî-tsūn iā ē siūnn-khí
想起著少年的時
siūnn-khí tio̍h siàu-liân ê sî
心愛的伴侶
sim-ài ê phuānn-lī
有一暝我佮伊
ū tsi̍t-mî guá kah i
看見流星墜落海邊
khuànn-kìnn liû-tshinn tuī-lo̍h hái-pinn
為何咱初戀的感情
uī-hô lán tshoo-luân ê kám-tsîng
漸漸消失去
tsiām-tsiām siau-sit–khì
這敢是流星暗示
tse kám-sī liû-tshenn àm-sī
無緣的情義
bô-iân ê tsîng-gī
啊~難忘的流星的暗暝
ah~ lân-bōng ê liû-tshinn ê àm-mî
