孤單的男性
《孤單的男性》Koo-tuann ê Lâm-sìng
雷明Luî-bîng
——————————————
頭楞楞心茫茫
thâu gông-gông sim bâng-bâng
一時毋知西抑東
tsi̍t-sî m̄-tsai sai ia̍h tang
孤單一个心沉重
koo-tuann tsi̍t-ê sim tîm-tāng
一直行規暗
it-ti̍t kiânn kui-àm
阮毋驚露水重
gún m̄-kiann lōo-tsuí tāng
阮毋驚霜風凍
gún m̄-kiann sng-hong tàng
只驚揣無彼个人
tsí kiann tshē-bô hit ê lâng
心愛的請毋通
sim-ài–ê tshiánn m̄-thang
切斷阮美夢
tshiat-tn̄g gún bí-bāng
行過來行過去
kiânn–kè-lâi kiânn–kè-khì
看來看去規半暝
khuànn-lâi-khuànn-khì kui puànn-mî
你敢會來放袂記
lí kám ē lâi pàng-buē-kì
約束的日期
iok-sok ê ji̍t-kî
暗暗來叫著你
àm-àm lâi kiò tio̍h lí
暗暗來怨恨你
àm-àm lâi uàn-hūn lí
枉費痴情的男兒
óng-huì tshi-tsîng ê lâm-jî
心愛的你予我
sim-ài–ê lí hōo guá
試著酸苦味
tshì tio̍h sng-khóo-bī
你佮我的愛情
lí kah guá ê ài-tsîng
到底啥人會了解
tàu-té siánn-lâng ē liáu-kái
你哪通來佯毋知
lí ná thang lâi tìnn-m̄-tsai
實在不應該
si̍t-tsāi put-ing-kai
兩年前的感情
nn̄g-nî tsîng ê kám-tsîng
兩年後的期待
nn̄g-nî āu ê kî-thāi
約束日子你無來
iok-sok ji̍t-tsí lí bô lâi
心愛的你放我
sim-ài–ê lí pàng guá
悲傷在心內
pi-siong tsāi sim-lāi
