田庄姑娘入城
《田庄姑娘入城》Tshân-tsng Koo-niû Ji̍p-siânn
尤鳳Iû Hōng
——————————————
孤一个來到都市
koo tsi̍t-ê lâi-kàu too-tshī
為著生活不得已
uī-tio̍h sing-ua̍h put-tik-í
有一个無熟似的人
ū tsi̍t-ê bô si̍k-sāi ê lâng
講欲𤆬阮揣頭路
kóng bueh tshuā gún tshē-thâu-lōo
看起來真古意
khuànn–khí-lâi tsin kóo-ì
予人料想袂到啦
hōo-lâng liāu-sióng-bē-kàu–lah
原來伊
guân-lâi i
就是來騙阮
tsiū-sī lâi phiàn gún
欲去做著酒家女
bueh khì tsuè tio̍h tsiú-ka-lí
孤一个來到都市
koo tsi̍t-ê lâi-kàu too-tshī
無依無倚苦命女
bô-i-bô-uá khóo-miā-lí
有一个無熟似的人
ū tsi̍t-ê bô si̍k-sāi ê lâng
講欲叫阮去搬戲
kóng bueh kiò gún khì puann-hì
看起來真英俊
khuànn–khí-lâi tsin ing-tsùn
可惜伊是採花蜂
khó-sioh i sī tshái-hue-phang
交一个放一个
kau tsi̍t-ê pàng tsi̍t-ê
就是天下最無情的人
tsiū-sī thian-hā tsuè bô-tsîng ê lâng
孤一个來到都市
koo tsi̍t-ê lâi-kàu too-tshī
已經過去兩三年
í-king kè-khì nn̄g-sann nî
有一个真慷慨的人
ū tsi̍t-ê tsin khóng-khài ê lâng
講欲娶阮做奧桑
kóng bueh tshuā gún tsuè ok-sàng
看起來真佮意
khuànn–khí-lâi tsin kah-ì
時常對阮表情意
sî-siông tuì gún piáu tsîng-ì
毋過阮
m̄-koh gún
恐驚伊花蕊採了
khióng-kiann i hue-luí tshái liáu
放阮做伊去
pàng gún tsuè i khì
