理想的愛人
《理想的愛人》Lí-sióng ê Ài-jîn
尤鳳Iû Hōng
——————————————
在港口熟似的人
tsāi káng-kháu si̍k-sāi ê lâng
啊~實在英俊好男人
ah~ si̍t-tsāi ing-tsùn hó lâm-jîn
定定有美麗姑娘追求伊
tiānn-tiānn ū bí-lē koo-niû tui-kiû i
烏貓小姐後面綴規陣
oo-niau sió-tsiá āu-bīn tè kui-tīn
但是伊全無佮意啊~
tān-sī i tsuân bô kah-ì ah~
而且是印象全無啊~
jî-tshiánn sī ìn-siōng tsuân bô ah~
只愛阮一人
tsí ài gún tsi̍t-lâng
嘿~看覓咧
heh~ khuànn-māi–leh
阮頭一擺相見面
gún thâu tsi̍t-pái sio kìnn-bīn
人人講阮雙雙對對
lâng-lâng kóng gún siang-siang-tuì-tuì
理想愛人
lí-sióng ài-jîn
真有情飄撇男性
tsin ū-tsîng phiau-phiat lâm-sìng
啊~阮所熟似的愛人
ah~ gún sóo si̍k-sāi ê ài-jîn
好花蕊欲開
hó hue-luí bueh khui
著愛照時辰
tio̍h-ài tsiàu sî-sîn
阮今有緣佮君來鬥陣
gún tann ū-iân kah kun lâi tàu-tīn
毋管是男性怨妒啊~
m̄-kuán sī lâm-sìng uàn-tòo ah~
或者是女性食醋啊~
hi̍k-tsiá sī lú-sìng tsia̍h-tshòo ah~
雙人永相親
siang-lâng íng siong-tshin
哎喲~歹勢甲
aih-ioh~ pháinn-sè kah
每擺佮君來見面
muí-pái kah kun lâi kìnn-bīn
人人講阮天生一對
lâng-lâng kóng gún thian-sing tsi̍t-tuì
理想愛人
lí-sióng ài-jîn
做事業提出氣魄
tsuè sū-gia̍p the̍h tshut khì-phik
啊~必定成功阮愛人
ah~ pit-tīng sîng-kong gún ài-jîn
阮猶原為君祈禱有信心
gún iu-guân uī kun kî-tó ū sìn-sim
希望早日快快來結親
hi-bāng tsá-ji̍t khuài-khuài lâi kiat-tshin
阮朋友袂來看輕啊~
gún pîng-iú buē lâi khuànn-khin ah~
阮親情會來承認啊~
gún tshin-tsiânn ē lâi sîng-jīn ah~
你咱真愛人
lí lán tsin ài-jîn
哎喲~真佳哉
aih-ioh~ tsin ka-tsài
每擺佮君來見面
muí-pái kah kun lâi kìnn-bīn
人人講阮天緣情侶
lâng-lâng kóng gún thinn-iân tsîng-lī
理想愛人
lí-sióng ài-jîn
