嘆當初
《嘆當初》Thàn Tong-tshoo
尤鳳Iû Hōng
——————————————
當初二八青春起
tong-tshoo jī-pat tshing-tshun khí
親像牡丹盛開時
tshin-tshiūnn bóo-tan sīng-khai sî
千里郎君來來去去
tshian-lí lông-kun lâi-lâi-khì-khì
快樂無輸伊西施
khuài-lo̍k bô-su i Se-si
今日花謝人毋挃
kim-ji̍t hue siā lâng m̄-ti̍h
變成孤雁亂飛啼
piàn-sîng koo-gān luān hui-thî
最可恨啊
tsuè khó-hūn–ah
薄情僥心做你去
po̍k-tsîng hiau-sim tsuè lí khì
越思越想越傷悲
ua̍t su ua̍t siūnn ua̍t siong-pi
當初戇戇年紀輕
tong-tshoo gōng-gōng nî-kí khin
一身行動不由人
it-sin hîng-tōng put-iû jîn
迎前接後高高興興
ngiâ-tsîng tsiap-hiō kau-kau-hìng-hìng
身穿綢緞日日新
sin tshīng tiû-tuān ji̍t-ji̍t sin
今日君去叫袂應
kim-ji̍t kun khì kiò buē-ìn
變成孤枕冷滿身
piàn-sîng koo-tsím líng muá-sin
最可恨啊
tsuè khó-hūn–ah
薄情反心遮殘忍
po̍k-tsîng huán-sim tsiah tsân-jím
越思越想越傷神
ua̍t su ua̍t siūnn ua̍t siong-sîn
當初貪著煙花味
tong-tshoo tham-tio̍h ian-hua bī
生死關頭全不知
senn-sí kuan-thâu tsuân put-ti
共君快樂歡歡喜喜
kāng kun khuài-lo̍k huann-huann-hí-hí
相親相愛十外年
siong-tshin siong-ài tsa̍p-guā nî
今日半途僥心去
kim-ji̍t puàn-tôo hiau-sim khì
變成孤戀難過更
piàn-sîng koo-luân lân kuè kinn
最可恨啊
tsuè khó-hūn–ah
薄情害阮目屎滴
po̍k-tsîng hāi gún ba̍k-sái tih
越思越想越淋漓
ua̍t su ua̍t siūnn ua̍t lîm-lî
