臺北之星
《臺北之星》Tâi-pak tsi Tshinn
文夏Bûn-hā
——————————————
東爿的山頂
tang-pîng ê suann-tíng
天星若欲出來的時
thinn-tshinn nā beh tshut-lâi ê sî
我看起一群
guá khuànn-khí tsi̍t-kûn
可愛的美麗小姑娘
khó-ài ê bí-lē sió-koo-niû
來歡歡喜喜
lâi huann-huann-hí-hí
唱出著可愛的聲音
tshiùnn-tshut tio̍h khó-ài ê siann-im
叫你的聲
kiò lí ê siann
叫我的聲
kiò guá ê siann
青春的歌聲
tshing-tshun ê kua-siann
喔~喔~美麗的好暗暝
ooh~ ooh~ bí-lē ê hó àm-mî
喔~喔~臺北的好暗暝
ooh~ ooh~ Tâi-pak ê hó àm-mî
西爿的海邊
sai-pîng ê hái-pinn
月娘若欲出來的時
ge̍h-niû nā beh tshut-lâi ê sî
我看起一群
guá khuànn-khí tsi̍t-kûn
可愛的美麗小姑娘
khó-ài ê bí-lē sió-koo-niû
怹踮在海邊
in tiàm-tsāi hái-pinn
跳起著熱情的歌舞
thiàu-khí tio̍h jia̍t-tsîng ê kua-bú
椰子樹跤迷人的聲
iâ-tsí tshiū-kha bê-lâng ê siann
親像在夢裡
tshin-tshiūnn tsāi bāng–lí
喔~喔~快樂的好暗暝
ooh~ ooh~ khuài-lo̍k ê hó àm-mî
喔~喔~南國的好暗暝
ooh~ ooh~ lâm-kok ê hó àm-mî
