春的懷念
《春的懷念》Tshun ê Huâi-liām
顏華Gân Huâ
——————————————
春天桃花媠閣芳
tshun-thinn thô-hue suí koh phang
薄命等啥人
po̍h-miā tán siánn-lâng
無情蝴蝶滿四界
bô-tsîng ôo-tia̍p muá-sì-kè
戲弄無彩工
hì-lāng bô-tshái-kang
我的心內只有你
guá ê sim-lāi tsí-ū lí
永遠毋甘放
íng-uán m̄-kam pàng
願春風天邊海角
gún tshun-hong thinn-pinn hái-kak
共我送希望
kā guá sàng hi-bāng
愛情毋是一時陣
ài-tsîng m̄-sī tsi̍t-sî-tsūn
船過水無痕
tsûn kè tsuí bô hûn
想著相思等這陣
siūnn-tio̍h siunn-si tán tsit-tsūn
加添我憂悶
ka-thiam guá iu-būn
月圓袂得佮君看
ge̍h înn buē-tit kah kun khuànn
青春阮無份
tshing-tshun gún bô hūn
春宵好景空度過
tshun-siau hó-kíng khang tōo–kè
廳旁等待君
thiann-pông tán-thāi kun
看人雙雙賞春景
khuànn-lâng siang-siang siúnn tshun-kíng
孤單心袂清
koo-tuann sim buē tshing
花鳥也有好環境
hue-tsiáu iā ū hó khuân-kíng
命歹過一生
miā phái kè it-sing
世間媠花人人愛
sè-kan suí-hue lâng-lâng ài
交你真絕情
kau lí tsin tsua̍t-tsîng
春若過去花會謝
tshun nā kè-khì hue ē siā
啥人欲歡迎
siánn-lâng beh huan-gîng
