湖畔之宿
《湖畔之宿》Oô-puān tsi Siok
顏華Gân Huâ
——————————————
孤單稀微湖池邊
koo-tuann hi-bî ôo-tî pinn
月娘伴阮到三更
ge̍h-niû phuānn gún kàu sann-kinn
見景傷情珠淚滴
kiàn-kíng siong-tsîng tsu-luī tih
想著彼當時
siūnn-tio̍h hit-tong-sî
一切變空虛
it-tshè pìnn khang-hi
看破過去燒批信
khuànn-phuà kè-khì sio phue-sìn
聽著水聲心傷悲
thiann-tio̍h tsuí-siann sim siong-pi
樹林青翠孤鳥啼
tshiū-nâ tshinn-tshuì koo-tsiáu thî
熱情浮雲掛在天
jia̍t-tsîng phû-hûn kuà tsāi thinn
春天的花當開
tshun-thinn ê hue tng khui
春風送芳味
tshun-hong sàng phang-bī
自嘆目屎流袂離
tsū-thàn ba̍k-sái lâu buē-lī
生冷燈火照窗邊
tshinn-líng ting-hé tsiò thang-pinn
思念故鄉吐大氣
su-liām kòo-hiong thóo-tuā-khuì
流浪生活上克虧
liû-lōng sing-ua̍h siōng khik-khui
無聊月光暝
bô-liâu ge̍h-kng-mî
寫批安慰伊
siá-phue an-uì i
等待何時再做堆
tán-thāi hô-sî tsài tsuè-tui
