茶館的窗邊
《茶館的窗邊》Tê-kuán ê Thang-pinn
張淑美Tiunn Siok-bí
——————————————
月眉漸漸欲移西
ge̍h-bâi tsiām-tsiām beh î sai
想兄哪毋來
siūnn hiann ná m̄ lâi
叫阮踮在茶館內
kiò gún tiàm-tsāi tê-kuán lāi
實在不應該
si̍t-tsāi put ing-kai
音樂聲音鬧啋啋
im-ga̍k siann-im nāu-tshái-tshái
伴阮失主裁
phuānn gún sit tsú-tshâi
春風雖然真可愛
tshun-hong sui-jiân tsin khó-ài
毋知阮悲哀
m̄-tsai gún pi-ai
心內只念兄緊來
sim-lāi tsí liām hiann kín lâi
茶館窗邊花芳味
tê-kuán thang-pinn hue-phang bī
心亂情綿綿
sim luān tsîng mî-mî
叫阮專工等著你
kiò gún tsuan-kang tán tio̍h lí
一等到深更
tsi̍t-tán kàu tshim-kinn
咖啡已經冷吱吱
ka-pi í-king líng-ki-ki
伴阮失主意
phuānn gún sit tsú-ì
春風搖動遠方去
tshun-hong iô-tāng uán-hong khì
毋知阮稀微
m̄-tsai gún hi-bî
心火焦急等著你
sim-hé tsiau-kip tán tio̍h lí
夜色愈深風愈冷
iā-sik jú tshim hong jú líng
等阮兄無靜
tán gún hiann bô tsīng
叫阮進退難決定
kiò gún tsìn-thè lân kuat-tīng
兄意袂分明
hiann ì buē hun-bîng
原來只有青紅燈
guân-lâi tsí-ū tshinn-âng-ting
伴阮心安寧
phuānn gún sim an-lîng
春風雖然吹無停
tshun-hong sui-jiân tshue bô-thîng
毋知兄心情
m̄-tsai hiann sim-tsîng
引阮進退難決定
ín gún tsìn-thè lân kuat-tīng
