錯愛
《錯愛》Tshò-ài
黃三元N̂g Sam-guân
——————————————
為啥物我的心內
uī-siánn-mih guá ê sim-lāi
為啥物我的心內
uī-siánn-mih guá ê sim-lāi
偏偏來對你
phian-phian lâi tuì lí
偏偏來對你
phian-phian lâi tuì lí
傷心咧關懷
siong-sim teh kuan-huâi
咱兩人初熟似
lán nn̄g-lâng tshoo se̍k-sāi
咱兩人初熟似
lán nn̄g-lâng tshoo se̍k-sāi
猶原是踮在酒場內
iu-guân sī tiàm-tsāi tsiú-tiûnn lāi
彼時阮毋知
hit-sî gún m̄-tsai
付出著真情愛
hù-tshut tio̍h tsin tsîng-ài
如今你
jû-kim lí
才露出你的心內
tsiah lōo-tshut lí ê sim-lāi
予我傷心悲哀不該
hōo guá siong-sim pi-ai put-kai
這敢毋是運命的安排
tse kám m̄-sī ūn-miā ê an-pâi
不應該對你悲哀
put-ing-kai tuì lí pi-ai
不應該對你悲哀
put-ing-kai tuì lí pi-ai
偏偏來對你
phian-phian lâi tuì lí
偏偏來對你
phian-phian lâi tuì lí
痴情流目屎
tshi-tsîng lâu ba̍k-sái
你既然有翁婿
lí kì-jiân ū ang-sài
我愛你也不該
guá ài lí iā put-kai
咱兩人鬥陣是錯愛
lán nn̄g-lâng tàu-tīn sī tshò-ài
傷心在心內
siong-sim tsāi sim-lāi
你我著愛了解
lí guá tio̍h-ài liáu-kái
毋通再來淪落
m̄-thang tsài lâi lûn-lo̍h
墜落苦海
tuī-lo̍h khóo-hái
應該看破彼段情愛
ing-kai khuànn-phuà hit tuānn tsîng-ài
你咱兩人
lí lán nn̄g-lâng
互相愛忍耐
hōo-siong ài jím-nāi
