男女心
《男女心》Lâm-lú Sim
蔡秋鳳Tshuà Tshiu-hōng
——————————————
不應該疼的心
put ing-kai thiànn ê sim
我承認是阮太天真
guá sîng-jīn sī gún thài thian-tsin
不應該啉的酒
put ing-kai lim ê tsiú
我承認阮有啉
guá sîng-jīn gún ū lim
也因為傷過遮爾深
iā in-uī siong kuè tsiah-nī tshim
才學會曉毋閣傷心
tsiah o̍h ē-hiáu m̄-koh siong-sim
我應該看的路
guá ing-kai khuànn ê lōo
我相信目睭阮會金
guá siong-sìn ba̍k-tsiu gún ē kim
你應該愛的人
lí ing-kai ài ê lâng
毋是我這款
m̄-sī guá tsit khuán
療傷的女人
liâu-siong ê lú-jîn
我欲換一種心情
guá beh uānn tsi̍t-tsióng sim-tsîng
聽別款聲音
thiann pa̍t-khuán siann-im
換一種人生
uānn tsi̍t-tsióng jîn-sing
活一款光陰
ua̍h tsi̍t-khuán kong-im
想是想
siūnn sī siūnn
做也做
tsò iā tsò
夢是夢
bāng sī bāng
著也錯
tio̍h iā tshò
猶原袂清楚男女心
iu-guân buē tshing-tshó lâm-lú sim
因為你這款男性
in-uī lí tsit khuán lâm-sìng
我這款女人
guá tsit khuán lú-jîn
講感情
kóng kám-tsîng
只有傷心騙傷心
tsí-ū siong-sim phiàn siong-sim
