悲情探戈
《悲情探戈》Pi-tsîng Thàn-gòo
蔡秋鳳Tshuà Tshiu-hōng
——————————————
音樂聲若響起
im-ga̍k-siann nā hiáng-khì
跤步就隨在伊
kha-pōo tiō suî-tsāi i
管待伊跳啥物
khuán-thāi i thiàu siánn-mi̍h
阮的心內
gún ê sim-lāi
已經無春天
í-king bô tshun-thinn
音樂聲若響起
im-ga̍k-siann nā hiáng-khí
心情就放予伊去
sim-tsîng tiō pàng hōo-i khì
毋免閣講起
m̄-bián koh kóng-khí
咱的過去
lán ê kuè-khì
是啥物
sī siánn-mi̍h
將探戈
tsiong thàn-gòo
一直跳落去
it-ti̍t thiàu–lo̍h-khì
啊~彼段的戀情
ah~ hit tuānn ê luân-tsîng
無將來
bô tsiong-lâi
無期待
bô kî-thāi
心內委屈痛苦
sim-lāi uí-khut thòng-khòo
無人知
bô-lâng tsai
這款的心情
tsit khuán ê sim-tsîng
孤單無奈
koo-tuann bô-nāi
有啥人了解
ū siánn-lâng liáu-kái
想袂開
siūnn buē-khui
也放袂離
iā pàng buē-lī
用歌聲
iōng kua-siann
來安慰
lâi an-uì
唱出命運的哀悲
tshiùnn-tshut miā-ūn ê ai-pi
心稀微
sim hi-bî
