我的愛
《我的愛》Guá ê Ài
蔡秋鳳Tshuà Tshiu-hōng
——————————————
我對你的情
guá tuì lí ê tsîng
你攏無愛
lí lóng bô-ài
心內有千萬感慨
sim-lāi ū tshian-bān kám-khài
這是付出的最後一擺
tse sī hù-tshut ê tsuè-āu tsi̍t-pái
今後毋願閣再愛
kim-āu m̄-guān koh-tsài ài
坐踮冷冷的一間厝內
tsē tiàm líng-líng ê tsi̍t-king tshù-lāi
心飛向海角天涯
sim pue hiòng hái-kak thian-gâi
愛哪予別人蹧躂無彩
ài ná hōo pa̍t-lâng tsau-that bô-tshái
不如攏收收轉來
put-jû lóng siu-siu–tńg-lâi
啊~天毋知
ah~ thinn m̄-tsai
地毋知
tē m̄-tsai
我的愛
guá ê ài
心藏佇咧啥物所在
sim tshàng tī-leh siánn-mih sóo-tsāi
是鹹鹹的目屎啊
sī kiâm-kiâm ê ba̍k-sái–ah
深深的海
tshim-tshim ê hái
阮無法度共你愛
gún bô-huat-tōo kā lí ài
啊~天毋知
ah~ thinn m̄-tsai
月毋知
gue̍h m̄-tsai
我的愛
guá ê ài
失落佇咧啥物所在
sit-lo̍h tī-leh siánn-mih sóo-tsāi
心只想欲飛飛飛
sim tsí siūnn-beh pue pue pue
飛向天涯
pue hiòng thian-gâi
阮毋免閣等你轉來
gún m̄-bián koh tán lí tńg–lâi
