愛人仔
《愛人仔》Ài-jîn-á
蔡秋鳳 Tshuà Tshiu-hōng
——————————————
陣陣船螺聲
tsūn-tsūn tsûn-lê siann
聲聲像悲歌
siann-siann tshiūnn pi-kua
因為欲離開愛人仔
in-uī beh lī-khui ài-jîn-á
愛人仔欲出外
ài-jîn-á beh tshut-guā
袂當閣將阮來疼
buē-tàng koh tsiong gún lâi thiànn
今後的日子
kim-āu ê ji̍t-tsí
欲按怎
beh án-tsuánn
我叫一聲愛人仔啊
guá kiò tsi̍t-siann ài-jîn-á–ah
外面日頭遮爾仔赤
guā-bīn ji̍t-thâu tsiah-nī-á tshiah
攏怪阮無較縒
lóng kuài gún bô-khah-tsua̍h
將你來拖
tsiong lí lâi thua
無奈袂當做伴
bô-nāi buē-tàng tsuè-phuānn
忍著目屎送你行
jím tio̍h ba̍k-sái sàng lí kiânn
我一聲一聲
guá tsi̍t-siann tsi̍t-siann
叫著愛人仔
kiò tio̍h ài-jîn-á
