迎新棄舊
《迎新棄舊》Ngiâ-sin Khì-kū
黃三元N̂g Sam-guân
——————————————
小姐生媠真厲害
sió-tsiá sinn suí tsin lī-hāi
看著人真愛
khuànn-tio̍h lâng tsin ài
三工兩工阮就來
sann-kang nn̄g-kang gún tsiū lâi
毋驚有啥代
m̄-kiann ū siánn tāi
怎樣近來講話大派
tsuánn-iūnn kīn-lâi kóng-uē tuā-phài
騙東佮騙西
phiàn-tang kah phiàn-sai
對阮佯毋知
tuì gún tìnn-m̄-tsai
迎新棄舊不應該
ngiâ-sin khì-kū put-ing-kai
實在不應該
si̍t-tsāi put-ing-kai
小姐生媠真厲害
sió-tsiá sinn suí tsin lī-hāi
毋知你心內
m̄-tsai lí sim-lāi
為你犧牲到現在
uī lí hi-sing kàu hiān-tsāi
已經歹算擺
í-king pháinn-sǹg pái
你這款的假情假愛
lí tsit khuán ê ké-tsîng ké-ài
予阮攏毋知
hōo gún lóng m̄-tsai
枉費阮愛情
óng-huì gún tsîng-ài
迎新棄舊不應該
ngiâ-sin khì-kū put-ing-kai
放阮可憐代
pàng gún khó-liân-tāi
小姐生媠真厲害
sió-tsiá sinn suí tsin lī-hāi
欺騙阮的愛
khi-phiàn gún ê ài
放阮孤單空白愛
pàng gún koo-tuann khang pe̍h ài
想欲跳落海
siūnn-bueh thiàu lo̍h-hái
好得佳哉有人緊來
hó-lit-ka-tsài ū-lâng kín lâi
若無阮就害
nā-bô gún tiō hāi
請你想看覓
tshiánn lí siūnn khuànn-māi
迎新棄舊不應該
ngiâ-sin khì-kū put-ing-kai
良心摸看覓
liông-sim bong khuànn-māi
