流浪三兄弟
《流浪三兄弟》Liû-lōng Sann Hiann-tī
黃三元N̂g Sam-guân
——————————————
流浪兒三兄弟
liû-lōng-jî sam-hiann-tī
小小的年紀
sió-sió ê nî-kí
就來離開爸母的身邊
tsiū lâi lī-khui pē-bú ê sin-pinn
在路邊一手提著
tsāi lōo-pinn tsi̍t-tshiú the̍h-tio̍h
一跤小行李
tsi̍t-kha sió hêng-lí
一手牽著小弟
tsi̍t-tshiú khan tio̍h sió-tī
珠淚掛目墘
tsu-luīkuà ba̍k-kînn
啊~予人看著
ah~ hōo-lâng khuànn tio̍h
看著真可憐伊
khuànn tio̍h tsin khó-liân i
流浪兒三兄弟
liû-lōng-jî sam-hiann-tī
流浪兒三兄弟
liû-lōng-jî sam-hiann-tī
怎樣哭袂離
tsuánn-iūnn khàu bē-lī
敢是爸母離開世間去
kám-sī pē-bú lī-khui sè-kan khì
才變成無依無倚
tsiah piàn-sîng bô-i-bô-uá
流浪在路邊
liû-lōng tsāi lōo-pinn
規日遊來遊去
kui-ji̍t iû lâi iû khì
受苦受寒饑
siū-khóo siū hân-ki
啊~予人看著
ah~ hōo-lâng khuànn tio̍h
引人會感傷伊
ín lâng ē kám-siong i
流浪兒三兄弟
liû-lōng-jî sam-hiann-tī
流浪兒三兄弟
liû-lōng-jî sam-hiann-tī
穿著破衫褲
tshīng tio̍h phuà sann-khòo
帶著憂愁
tuà tio̍h iu-tshiû
神神咧行路
sîn-sîn teh kiânn-lōo
被風雨潑甲
pī hong-hōo phuah kah
兄弟全身澹糊糊
hiann-tī tsuân-sin tâm-kôo-kôo
也無親情朋友
iā bô tshin-tsiânn pîng-iú
通好相照顧
thang-hó sio tsiàu-kòo
啊~予人看著
ah~ hōo-lâng khuànn tio̍h
使人會同情伊
sú lâng ē tông-tsîng i
流浪兒三兄弟
liû-lōng-jî sam-hiann-tī
