五月的風
《五月的風》Gōo–gue̍h ê Hong
文夏Bûn-hā
——————————————
五月的風吹來
gōo–ge̍h ê hong tshue lâi
芬芳的芳味
hun-hong ê phang-bī
引我想起彼个人
ín guá siūnn-khí hit ê lâng
初戀的暗暝
tshoo-luân ê àm-mî
雙人做陣談情話
siang-lâng tsò-tīn tâm tsîng-uē
行到彼个溪邊
kiânn kàu hit ê khe-pinn
看起樹葉
khuànn-khí tshiū-hio̍h
被風吹落
pī hong tshue–lo̍h
予我心傷悲
hōo guá sim siong-pi
煞來倚在伊的胸裡
suah lâi uá tsāi i ê hing–lí
綿綿哭袂離
mî-mî khàu bē-lī
↓↓(口白)—(口白)↓↓
咱一定會相會的
lán it-tīng ē siong-huē–ê
你捌對阮按呢講
lí bat tuì gún án-ne kóng
不過我也對伊搝一下頭
put-kò guá iā tuì i khiú–tsi̍t-ē thâu
心肝是實起來的啦
sim-kuann sī tsa̍t–khí-lâi–ê lah
紲落一句話都講袂出來
suà–lo̍h tsi̍t-kù uē to kóng bē tshut-lâi
啊~彼時的我
ah~ hit-sî ê guá
實在太純情
si̍t-tsāi thài sûn-tsîng
又閣太幼稚的啦
iū-koh thài iù-tī–ê lah
↑↑(口白)—(口白)↑↑
五月的風吹來
gōo–ge̍h ê hong tshue lâi
甘蜜的芳味
kam-bi̍t ê phang-bī
引我想起彼个人
ín guá siūnn-khí hit ê lâng
熱戀的暗暝
jia̍t-luân ê àm-mî
雙人情意真蜜甜
siang-lâng tsîng-ì tsin bi̍t-tinn
行到彼條小路
kiânn kàu hit tiâu sió-lōo
彼時伊也情禁袂住
hit-sî i iā tsîng kìm bē-tsū
共我唚一下
kā guá tsim–tsi̍t-ē
予我心頭
hōo guá sim-thâu
過頭歡喜
kuè-thâu huann-hí
綿綿哭袂離
mî-mî khàu bē-lī
↓↓(口白)—(口白)↓↓
安娜
An-ná
咱就欲來離開的矣是毋?
lán tsiū beh lâi lī-khui–ê ah, sī–m̄?
無疑伊也真悲傷來看著我
bô-gî i iā tsin pi-siong lâi khuànn tio̍h guá
後來伊就行入夜霧的彼爿去的啦
āu–lâi i tsiū kiânn-ji̍p iā-bū ê hit-pîng khì–ê lah
啊~初戀的人
ah~ tshoo-luân ê lâng
我今仔日猶原踮在
guá kin-á-ji̍t iu-guân tiàm-tsāi
這个初戀的溪邊
tsit-ê tshoo-luân ê khe-pinn
每日來等著你欲轉來
mué-ji̍t lâi tán tio̍h lí beh tńg-lâi
伊伊親像下暗一定會
i, i tshin-tshiūnn e-àm it-tīng ē
將夜霧的彼爿轉來的啦
tsiong iā-bū ê hit-pîng tńg-lâi–ê lah
↑↑(口白)—(口白)↑↑
五月的風吹來
gōo–ge̍h ê hong tshue lâi
懷念的芳味
huâi-liām ê phang-bī
引我想起彼个人
ín guá siūnn-khí hit ê lâng
離別的暗暝
lî-pia̍t ê àm-mî
送伊行到溪邊時
sàng i kiânn kàu khe-pinn sî
見景傷情流淚
kiàn-kíng siong-tsîng liû-luī
伊也對阮傷心
i iā tuì gún siong-sim
流落悲哀的珠淚
lâu lo̍h pi-ai ê tsu-luī
今日送君
kim-ji̍t sàng kun
心情悲淒
sim-tsîng pi-tshe
綿綿哭袂離
mî-mî khàu bē-lī
