港邊珠淚

《港邊珠淚》Káng-pinn Tsu-luī
方瑞娥Png Suī-ngôo
——————————————
雖然是裝著笑容
sui-jiân sī tsng tio̍h tshiò-iông
歡喜送你船欲開
huann-hí sàng lí tsûn bueh khui
聽見著鑼聲響亮
thiann kìnn-tio̍h lô-siann hiáng-liāng
心肝強欲碎
sim-kuann kiōng-bueh tshuì
心愛的佮阮離開
sim-ài–ê kah gún lī-khui
啥物時陣再做堆
siánn-mih sî-tsūn tsài tsuè-tui
希望你毋通袂記
hi-bāng lí m̄-thang buē-kì
寫批轉來相安慰
siá-phue tńg-lâi sio an-uì
毋敢來哭出聲音
m̄-kánn lâi khàu tshut siann-im
暗中流珠淚
àm-tiong lâu tsu-luī
看見伊踮在船邊
khuànn-kìnn i tiàm-tsāi tsûn-pinn
雙手對阮搖搖弄
siang-tshiú tuì gún iô-iô-lāng
加添阮心內苦痛
ka-thiam gún sim-lāi khóo-thàng
目箍漸漸紅
ba̍k-khoo tsiām-tsiām âng
心愛的佮阮離開
sim-ài–ê kah gún lī-khui
啥物時陣再做堆
siánn-mih sî-tsūn tsài tsuè-tui
我也會了解著你
guá iā ē liáu-kái tio̍h lí
一个海上行船人
tsi̍t-ê hái-siōng kiânn-tsûn-lâng
毋管是透早半暝
m̄-kuán sī thàu-tsá puànn-mî
猶原愛出帆
iu-guân ài tshut-phâng
無情的船螺聲音
bô-tsîng ê tsûn-lê siann-im
聲聲催阮愛分離
siann-siann tshui gún ài hun-lî
暗中來祈禱著你
àm-tiong lâi kî-tó tio̍h lí
平安過日子
pîng-an kè ji̍t-tsí
心愛的佮阮離開
sim-ài–ê kah gún lī-khui
啥物時陣再做堆
siánn-mih sî-tsūn tsài tsuè-tui
希望你踮在他鄉
hi-bāng lí tiàm-tsāi thann-hiong
毋通將我放袂記
m̄-thang tsiong guá pàng-buē-kì
你猶原了解著阮
lí iu-guân liáu-kái tio̍h gún
堅心等待你
kian-sim tán-thāi lí

您可能也會喜歡…

跳至工具列