送君出帆
《送君出帆》Sàng Kun Tshut-phâng
方瑞娥Png Suī-ngôo
——————————————
聽見船螺交響著
thiann-kìnn tsûn-lê kau-hiáng tio̍h
岸邊波浪聲
huānn-pinn pho-lōng siann
船隻就欲來離開
tsûn-tsiah tsiū-bueh lâi lī-khui
載走彼个人
tsài tsáu hit ê lâng
悲傷忍不住
pi-siong jím put-tsū
煞來哭出聲
suah lâi khàu tshut-siann
雖然是明知
sui-jiân sī bîng-tsai
袂得佮你來離開
buē-tit kah lí lâi lī-khui
為著環境來所致
uī-tio̍h khuân-kíng lâi sóo-tì
痛苦也忍耐
thòng-khóo iā jím-nāi
如今離別在港口
jû-kim lî-pia̍t tsāi káng-kháu
想起咱情愛
siūnn-khí lán tsîng-ài
海風吹來透心腸
hái-hong tshe–lâi thàu sim-tn̂g
傷心你敢知
siong-sim lí kám tsai
海鳥啼哭聲
hái-tsiáu thî-khàu siann
加添阮悲哀
ka-thiam gún pi-ai
雖然是明知
sui-jiân sī bîng-tsai
別離不過是暫時
pia̍t-lî put-kò sī tsiām-sî
望你記著阮孤單
bāng lí kì tio̍h gún koo-tuann
等你倒轉來
tán lí tò-tńg–lâi
難分難開的情義
lân-hun lân-khui ê tsîng-gī
無奈欲分離
bô-nāi bueh hun-lî
鑼聲響亮船出帆
lô-siann hiáng-liāng tsûn tshut-phâng
離別心綿綿
lî-pia̍t sim mî-mî
只有祈禱你
tsí-ū kî-tó lí
平安過日子
pîng-an kè ji̍t-tsí
雖然是明知
sui-jiân sī bîng-tsai
憂悶已經無路用
iu-būn í-king bô-lōo-īng
因何看無火船影
in-hô khuànn-bô hué-tsûn iánn
更加心苦痛
kìng-ka sim khóo-thàng
