一場美夢變成空
《一場美夢變成空》Tsi̍t-tiûnn Bí-bāng Piàn-sîng Khang
青青Tshing-tshing
——————————————
雖然我真心咧愛你
sui-jiân guá tsin-sim teh ài lí
永遠袂變心意
íng-uán buē piàn sim-ì
無奈著環境所致
bô-nāi tio̍h khuân-kíng sóo-tì
只好離開你身邊
tsí-hó lī-khui lí sin-pinn
今夜月色帶稀微
kim-iā ge̍h-sik tài hi-bî
照著你我
tsiò tio̍h lí guá
一對悲哀伴侶
tsi̍t-tuì pi-ai phuānn-lī
真情真愛
tsin-tsîng tsin-ài
袂當來做堆
buē-tàng lâi tsuē-tui
人生哪有啥趣味
jîn-sing ná ū siánn tshù-bī
三年來
sann-nî lâi
互相情意重
hōo-siong tsîng-ì tāng
墜落佇情網
tuī-lo̍h tī tsîng-bāng
誰知無情命運戲弄
siáng tsai bô-tsîng miā-ūn hì-lāng
如今才著分西東
jû-kim tsiah tio̍h hun se-tang
陣陣霜風透心寒
tsūn-tsūn sng-hong thàu-sim hân
親像替咱
tshin-tshiūnn thuè lán
交加傷心怨嘆
kau-ka siong-sim uàn-thàn
真心相愛
tsin-sim siong-ài
袂當來團圓
buē-tàng lâi thuân-uân
一場美夢變成空
tsi̍t-tiûnn bí-bāng piàn-sîng khang
