賣椪柑的小姑娘
《賣椪柑的小姑娘》Bē Phòng-kam ê Sió-koo-niû
黃三元N̂g Sam-guân
莊明珠Tsng Bîng-tsu
——————————————
男)
賣椪柑小姑娘
bē phòng-kam sió-koo-niû
你欲擔去佗位賣
lí beh tann khì tó-uī bē
椪柑一斤賣偌濟啊
phòng-kam tsi̍t-kin bē guā-tsē–ah
賣偌濟
bē guā-tsē
你這敢是台灣出名
lí tse kám-sī Tâi-uân tshut-miâ
員林的椪柑啊
Uân-lim ê phòng-kam–ah
員林的椪柑啊
Uân-lim ê phòng-kam–ah
員林的椪柑
Uân-lim ê phòng-kam
女)
你這个少年家
lí tsit-ê siàu-liân-ke
若欲椪柑共阮買
nā beh phòng-kam kā gún bé
椪柑正裝員林的啊
phòng-kam tsiànn-tsong Uân-lim ê–ah
員林的
Uân-lim–ê
價錢便宜又閣好食
kè-tsînn pân-gî iū-koh hó-tsia̍h
毋信試看覓啊
m̄-sìn tshì-khuànn-māi–ah
毋信試看覓啊
m̄-sìn tshì-khuànn-māi–ah
毋信試看覓
m̄-sìn tshì-khuànn-māi
男)
賣椪柑的小姑娘唷噯唷
bē phòng-kam ê sió-koo-niû–iooh aih-iooh
生做古錐又可愛啊噯唷
senn-tsò kóo-tsui iū khó-ài–ah aih-iooh
予我一時為你迷啊為你迷
hōo guá tsi̍t-sî uī lí bê–ah uī lí bê
想欲佮你做著朋友
siūnn-beh kah lí tsuè tio̍h pîng-iú
毋知想怎樣啊
m̄-tsai siūnn tsuánn-iūnn–ah
毋知想怎樣啊
m̄-tsai siūnn tsuánn-iūnn–ah
毋知想怎樣
m̄-tsai siūnn tsuánn-iūnn
女)
你這个少年家
lí tsit-ê siàu-liân-ke
毋通對阮來痴迷
m̄-thang tuì gún lâi tshi-bê
阮的年紀無偌濟啊
gún ê nî-kí bô guā-tsē–ah
無偌濟
bô guā-tsē
若是予你素蘭知影
nā-sī hōo lí Sòo-lân tsai-iánn
叫阮欲怎樣啊
kiò gún beh tsuánn-iūnn–ah
叫阮欲怎樣啊
kiò gún beh tsuánn-iūnn–ah
叫阮欲怎樣
kiò gún beh tsuánn-iūnn
男)
賣椪柑小姑娘
bē phòng-kam sió-koo-niû
請你毋免來掛意
tshiánn lí m̄-bián lâi kuà-ì
素蘭已經嫁別人啊嫁別人
Sòo-lân í-king kè pa̍t-lâng–ah kè pa̍t-lâng
合)
希望咱來做著
hi-bāng lán lâi tsuè tio̍h
一个永遠的朋友啊
tsi̍t-ê íng-uán ê pîng-iú–ah
永遠的朋友啊
íng-uán ê pîng-iú–ah
永遠的朋友
íng-uán ê pîng-iú
