心愛的莫傷心

《心愛的莫傷心》Sim-ài–ê Mài Siong-sim

林俊吉Lîm Tsùn-kiat

——————————————

月臺火車已經開

gua̍t-tâi hué-tshia í-king khui

你傷心徛咧月臺頂

lí siong-sim khiā teh gua̍t-tâi tíng

為著前途我欲離開

uī-tio̍h tsiân-tôo guá beh lī-khui

離開故鄉去都市

lī-khui kòo-hiong khì too-tshī

你對我的愛

lí tuì guá ê ài

我會囥咧心肝底

guá ē khǹg-leh sim-kuann-té

我對你的情

guá tuì lí ê tsîng

仝款袂改變

kāng-khuán buē kái-piàn

心愛的莫傷心

sim-ài–ê mài siong-sim

我會永遠愛著你

guá ē íng-uán ài tio̍h lí

如今我袂當在你身邊

jû-kim guá buē-tàng tsāi lí sin-pinn

你愛好好照顧家己

lí ài hó-hó tsiàu-kòo ka-kī

心愛的莫傷心

sim-ài–ê mài siong-sim

我的一切攏是為著你

guá ê it-tshè lóng-sī uī-tio̍h lí

他鄉拍拚為將來

thann-hiong phah-piànn uī tsiong-lâi

艱苦嘛愛吞腹內

kan-khóo mā ài thun pak-lāi

心愛的請你愛保重

sim-ài–ê tshiánn lí ài pó-tiōng

我會成功倒轉來

guá ē sîng-kong tò-tńg–lâi