人生第一步

《人生第一步》Jîn-sing Tē-it Pōo

林俊吉Lîm Tsùn-kiat

——————————————

人之初

jîn tsi tshoo

有爸母的手

ū pē-bú ê tshiú

牽阮學行路

khan gún o̍h kiânn-lōo

夢之初

bāng tsi tshoo

欲用啥物條件

beh iōng siánn-mih tiâu-kiānn

佮人賭

kah lâng tóo

繁華的都市

huân-huâ ê too-tshī

啥人肯食苦

siánn-lâng khíng tsia̍h-khóo

虛華的社會

hi-hua ê siā-huē

若漸漸糊塗

nā tsiām-tsiām hôo-tôo

回頭已經滿天烏

huê-thâu í-king muá-thinn oo

啊~我願將人生的第一步

ah~ guá guān tsiong jîn-sing ê tē-it pōo

獻予爸母的辛苦

hiàn hōo pē-bú ê sin-khóo

啊~我毋將人生的第一步

ah~ guá m̄ tsiong jîn-sing ê tē-it pōo

毀在茫茫渺渺的旅途

huí tsāi bông-bông-biáu-biáu ê lú-tôo

自古英雄總是寂寞的路

tsū-kóo ing-hiông tsóng-sī tsi̍k-bo̍k ê lōo

啊~命無恨落塗

ah~ miā bô hūn lo̍h-thôo

運免靠人鋪

ūn bián khò lâng phoo

這條路

tsit tiâu lōo

我毋驚風抑雨

guá m̄-kiann hong ia̍h hōo

↓—–(RAP)—–↓

一人一條路

tsi̍t-lâng tsi̍t-tiâu lōo

人生本來就是

jîn-sing pún-lâi tiō sī

有甜也有苦

ū tinn iā ū khóo

一人一款命

tsi̍t-lâng tsi̍t-khuán miā

毋免欣羨別人的落塗

m̄-bián him-siān pa̍t-lâng ê lo̍h-thôo

逐家攏有爸母疼

ta̍k-ke lóng ū pē-bú thiànn

逐家攏有爸母晟

ta̍k-ke lóng ū pē-bú tshiânn

怨嘆又何苦

uàn-thàn iū hô-khóo

偏偏做糊塗

phian-phian tsuè hôo-tôo

茫茫踏出

bâng-bâng ta̍h-tshut

錯誤的第一步

tshò-gōo ê tē-it pōo

↑—–(RAP)—–↑