孤單在港邊

《孤單在港邊》Koo-tuann Tsāi Káng-pinn

周蓬霖Tsiu Hông-lîm

陳素英Tân Sòo-ing

——————————————

女)

在港邊來離開後

tsāi káng-pinn lâi lī-khui āu

不覺已經過一年

put-kak í-king kuè tsi̍t-nî

昔日的甜蜜情意

sik-ji̍t ê tinn-bi̍t tsîng-ì

永遠記在阮心裡

íng-uán kì tsāi gún sim-lí

男)

無情的船螺聲音

bô-tsîng ê tsûn-lê siann-im

將咱一對拆分離

tsiong lán tsi̍t-tuì thiah hun-lî

女)

怨嘆著阮的運命

uàn-thàn tio̍h gún ê ūn-miā

合)

徘徊在港邊

pâi-huê tsāi káng-pinn

女)

綿綿的雨罩港口

mî-mî ê hōo tà káng-kháu

像阮目屎一直流

tshiūnn gún ba̍k-sái it-ti̍t lâu

想起著離別彼時

siūnn-khí tio̍h lî-pia̍t hit sî

海鳥規陣為阮吼

hái-tsiáu kui-tīn uī gún khàu

男)

為怎樣你離別後

uī tsuánn-iūnn lí lî-pia̍t āu

批信半張攏無到

phue-sìn puànn-tiunn lóng bô kàu

女)

無論是海角天邊

bô -lūn sī hái-kak thinn-pinn

合)

對你情意到

tuì lí tsîng-ì kàu

女)

空聽著波浪的聲

khang thiann tio̍h pho-lōng ê siann

水面浮出你形影

tsuí-bīn phû-tshut lí hîng-iánn

在遠遠傳來的聲

tsāi hn̄g-hn̄g thuân-lâi ê siann

親像有人叫阮名

tshin-tshiūnn ū-lâng kiò gún miâ

男)

實在是無影無跡

si̍t-tsāi sī bô-iánn-bô-tsiah

只是海風的吹聲

tsí-sī hái-hong ê tshue-siann

女)

寂寞阮踮在港邊

tsi̍k-bo̍k gún tiàm-tsāi káng-pinn

合)

孤單戇戇行

koo-tuann gōng-gōng kiânn