老電影

《老電影》Lāu Tiān-iánn

王識賢Ông Sik-hiân

——————————————

離開你

lī-khui lí

今仔日滿三年

kin-á-ji̍t muá sann-nî

生活真無閒

sing-ua̍h tsin bô-îng

猶原過著孤單的日子

iu-guân kuè tio̍h koo-tuann ê ji̍t-tsí

你這馬敢有人

lí tsit-má kám ū lâng

佇身邊陪伴你

tī sin-pinn puê-phuānn lí

咱的彼个夢

lán ê hit ê bāng

一个我無法度交予你

tsi̍t-ê guá bô-huat-tōo kau hōo lí

彼个未來

hit ê bī-lâi

毋知你敢猶會記

m̄-tsai lí kám iáu ē kì

一幕一幕

tsi̍t-bōo tsi̍t-bōo

一段過去有你有我

tsi̍t-tuānn kuè-khì ū lí ū guá

一齣懷念的老電影

tsi̍t-tshut huâi-liām ê lāu tiān-iánn

咱兩人的青春

lán nn̄g-lâng ê tshing-tshun

鬧熱快活

lāu-jia̍t khuìnn-ua̍h

最後猶是分頭行

tsuè-āu iáu-sī hun-thâu kiânn

也有快樂

iā ū khuài-lo̍k

也有悲傷

iā ū pi-siong

雙人形影

siang-lâng hîng-iánn

是咱美麗的老電影

sī lán bí-lē ê lāu tiān-iánn

愛情夢

ài-tsîng bāng

幸福變成孤單

hīng-hok piàn-sîng koo-tuann

希望後一齣

hi-bāng āu tsi̍t-tshut

你著愛揣著人來搬

lí tio̍h-ài tshuē-tio̍h lâng lâi puann

—

一幕一幕

tsi̍t-bōo-tsi̍t-bōo

一段過去有你有我

tsi̍t-tuānn kuè-khì ū lí ū guá

一齣懷念的老電影

tsi̍t-tshut huâi-liām ê lāu tiān-iánn

愛情夢幸福

ài-tsîng bāng hīng-hok

變成孤單

piàn-sîng koo-tuann

希望後一齣

hi-bāng āu tsi̍t-tshut

你著愛揣著人來搬

lí tio̍h-ài tshuē-tio̍h lâng lâi puann