美麗的夢中

《美麗的夢中》Bí-lē ê Bāng-tiong

王識賢Ông Sik-hiân

——————————————

過了拜四的禮拜五

kuè-liáu pài-sì ê lé-pài-gōo

電話中佮你有約束

tiān-uē tiong kah lí ū iok-sok

?你出來去?迌

tshuā lí tshut lâi-khì tshit-thô

田庄郊外海沙埔

tshân-tsng kau-guā hái-sua-poo

吹著滿面清涼的風

tshue tio̍h muá-bīn tshing-liâng ê hong

看野花可愛的笑容

khuànn iá-hue khó-ài ê tshiò-iông

彼條昔日的小路

hit tiâu sik-ji̍t ê sió-lōo

有兩人初戀的跤步

ū nn̄g-lâng tshoo-luân ê kha-pōo

心內的不如意

sim-lāi ê put-jû-ì

無影無蹤

bô-iánn bô-tsong

看你快樂

khuànn lí khuài-lo̍k

阮也感動

gún iā kám-tōng

對你唱出

tuì lí tshiùnn-tshut

迷人的情歌

bê-lâng ê tsîng-kua

你也佮意恬恬聽

lí iā kah-ì tiām-tiām thiann

黃昏的海浪閃閃爍爍

hông-hun ê hái-lōng siám-siám-sih-sih

充滿著幸福的氣味

tshiong-buán tio̍h hīng-hok ê khì-bī

因為有你陪在阮身邊

in-uī ū lí puê tsāi gún sin-pinn

勝過椰子的甘甜

sìng-kuè iâ-tsí ê kam-tinn

一步兩步三步五步

tsi̍t-pōo nn̄g-pōo sann-pōo gōo-pōo

毋驚漸漸變暗的夜幕

m̄-kiann tsiām-tsiām piàn àm ê iā-bōo

趁著月色

thàn tio̍h ge̍h-sik

趕緊轉來去

kuánn-kín tńg-lâi-khì

咱美麗的夢中

lán bí-lē ê bāng-tiong