堅強

《堅強》Kian-kiông
王識賢 Ông Sik-hiân
——————————————
人生的路途
jîn-sing ê lōo-tôo
雖然有甜也有苦
sui-jiân ū tinn iā ū khóo
愛堅強
ài kian-kiông
拍拚一切為理想
phah-piànn it-tshè uī lí-sióng
就算坎坷路
tiō sǹg khám-khia̍t lōo
歡喜艱苦嘛愛做
huann-hí kan-khóo mā ài tsuè
為前途
uī tsiân-tôo
失敗成功攏著愛衝
sit-pāi sîng-kong lóng tio̍h-ài tshiong

不管阻礙有偌大
put-kuán tsóo-gāi ū guā tuā
猶原慢慢繼續行
iu-guân bān-bān kè-sio̍k kiânn
目屎著愛拭予焦
ba̍k-sái tio̍h-ài tshit hōo ta
繼續認真來生活
kè-sio̍k jīn-tsin lâi sing-ua̍h
雖然命運天註定
sui-jiân miā-ūn thinn tsù-tiānn
不過成功靠拍拚
put-kò sîng-kong khò phah-piànn
總有一日
tsóng ū tsi̍t-ji̍t
機會若來
ki-huē nā lâi
換我變主角
uānn guá piàn tsú-kak

繼續堅強拚落去
kè-sio̍k kian-kiông piànn–lo̍h-khì
男兒志在出頭天
lâm-jî tsì tsāi tshut-thâu-thinn
人生短短幾十年
jîn-sing té-té kuí tsa̍p nî
毋通白白來離開
m̄-thang pe̍h-pe̍h lâi lī-khui

失敗成功靠自己
sit-pāi sîng-kong khò tsū-kí
只要猶有一口氣
tsí-iàu iáu-ū tsi̍t-kháu khuì
相信總會有彼時
siong-sìn tsóng ē ū hit-sî
得著最後的勝利
tit-tio̍h tsuè-āu ê sìng-lī