再會啦心愛的人
《再會啦心愛的人》Tsài-huē–lah Sim-ài ê Lâng
王識賢Ông Sik-hiân
——————————————
冷冷的三更暝半
líng-líng ê sann-kinn mî-puànn
輕輕來彈著吉他
khin-khin lâi tuânn tio̍h gì-tah
為你來彈出
uī lí lâi tuânn tshut
咱兩人最後的一首情歌
lán nn̄g-lâng tsuè-āu ê tsi̍t-siú tsîng-kua
猶原是冷冷秋夜
iu-guân sī líng-líng tshiu-iā
風雨聲鑽入心肝
hong-ú siann tsǹg-ji̍p sim-kuann
為怎樣
uī-tsuánn-iūnn
目屎一滴滴滴落來
ba̍k-sái tsi̍t-tih-tih tih–lo̍h-lâi
袂赴來拭予伊焦
buē-hù lâi tshit hōo i ta
最後的情歌
tsuè-āu ê tsîng-kua
思念的心情
su-liām ê sim-tsiânn
聲聲是你的名
siann-siann sī lí ê miâ
聲聲寂寞孤單
siann-siann tsi̍k-bo̍k koo-tuann
彈出
tuânn tshut
才知影心疼
tsiah tsai-iánn sim thiànn
為何刺激著我
uī-hô tshì-kik tio̍h guá
再會啦心愛的人
tsài-huē–lah sim-ài ê lâng
傷心人傷心的歌
siong-sim-lâng siong-sim ê kua
為你來彈出
uī lí lâi tuânn tshut
咱兩人最後的這首情歌
lán nn̄g-lâng tsuè-āu ê tsit-siú tsîng-kua
予心愛的你來聽
hōo sim-ài–ê lí lâi thiann