傷一工疼半冬

《傷一工疼半冬》Siong Tsi̍t-kang Thiànn Puànn-tang

王中平Ông Tiong-pîng

——————————————

你傷阮的一句話

lí siong gún ê tsi̍t-kù uē

疼佇心內幾若暝

thiànn tī sim-lāi kuí-lō mê

毋管是無意抑是有心

m̄-kuán sī bô-ì ia̍h-sī ū-sim

傷害已經造成

siong-hāi í-king tsō-sîng

明知愛你只有苦

bîng-tsai ài lí tsí-ū khóo

被愛的人才有幸福

pī ài ê lâng tsâi ū hīng-hok

予你阮全部的愛

hōo lí gún tsuân-pōo ê ài

你煞還阮

lí suah hâinn gún

滿滿的感慨

muá-muá ê kám-khài

看你驕傲的心

khuànn lí kiau-ngōo ê sim

對待阮是冷淡無情

tuì-thāi gún sī líng-tām bô-tsîng

到底阮佇你心內

tàu-té gún tī lí sim-lāi

敢有存在

kám ū tsûn-tsāi

啥人願意

siánn-lâng guān-ì

勉強來做陣

bián-kióng lâi tsuè-tīn

受盡委屈過一生

siū-tsīn uí-khut kuè it-sing

為你傷心若一工

uī lí siong-sim nā tsi̍t-kang

疼就半冬

thiànn tiō puànn-tang

怪阮對你猶留戀

kuài gún tuì lí iáu liû-luân

當初是阮賭強這段情

tong-tshoo sī gún tóo-kiông tsit tuānn tsîng

賠掉青春到如今

puê tiāu tshing-tshun kàu jû-kim

甘願倖你每一工

kam-guān sīng lí muí tsi̍t-kang

糊塗過一世人

hôo-tôo kuè tsi̍t-sì-lâng

相信這場痴情夢

siong-sìn tsit tiûnn tshi-tsîng bāng