離別的戀歌

《離別的戀歌》Lî-pia̍t ê Luân-kua

王中平Ông Tiong-pîng

——————————————

想起著彼一日

siūnn-khí tio̍h hit-tsi̍t-ji̍t

無星無月的暗暝

bô tshinn bô gue̍h ê àm-mî

你我踮車站內相會

lí guá tiàm tshia-tsām lāi siong-huē

離別情綿綿

lî-pia̍t tsîng mî-mî

毋知到佗一工

m̄-tsai kàu tó tsi̍t-kang

才會當成功倒轉來

tsiah ē-tàng sîng-kong tò-tńg–lâi

希望你

hi-bāng lí

千萬照顧你自己

tshian-bān tsiàu-kòo lí tsū-kí

毋願予無情的命運

m̄-guān hōo bô-tsîng ê miā-ūn

一再來創治

it-tsài lâi tshòng-tī

所以決心

sóo-í kuat-sim

拍拚奮鬥出鄉里

phah-piànn hùn-tàu tshut hiong-lí

火車離開

hué-tshia lī-khui

滿腹心酸

muá-pak sim-sng

叫人怎講起

kiò lâng tsuánn kóng-khí

只有歌聲

tsí-ū kua-siann

表示阮的情意

piáu-sī gún ê tsîng-ì

唱MeReDo MeReDoMe

tshiùnn MeReDo MeReDoMe

保重自己

pó-tiōng tsū-kí

若玉蘭花滿山遍開

nā gio̍k-lân-hue muá-suann phiàn-khui

轉來的時

tńg–lâi ê sî

唱MeReDo MeReDoMe

tshiùnn MeReDo MeReDoMe

傷心珠淚

siong-sim tsu-luī

聽思念的離別戀歌

thiann su-liām ê lî-pia̍t luân-kua

想你

siūnn lí