心情車站
《心情車站》 Sim-tsîng Tshia-tsām
任賢齊Jīm Hiân-tsê
——————————–
你欲離開的彼一工
lí beh lī-khui ê hit-tsi̍t-kang
心內有話想欲對你講
sim-lāi ū uē siūnn-beh tuì lí káng
但是毋知按怎
tān-sī m̄-tsai án-tsuánn
哪會舌拍結面紅紅
ná ē tsi̍h phah-kat bīn âng-âng
敢是看破一場空
kám-sī khuànn-phuà tsi̍t tiûnn khang
抑是天公伯仔註定我無半項
ia̍h-sī thinn-kong-peh–á tsù-tiānn guá bô-puànn-hāng
(refrain)
火車慢慢咧駛入車站
hué-tshia bān-bān leh sái ji̍p tshia-tsām
阮的心情愈來愈沉重
gún ê sim-tsîng jú-lâi-jú tîm-tāng
月台頂面來來往往的人
gue̍h-tâi tíng-bīn lâi-lâi-óng-óng ê lâng
只賰我佮你攏無振動
tsí tshun guá kah lí lóng bô tín-tāng
阮只是想欲訴出
gún tsí-sī siūnn-beh sòo tshut
阮只愛你一人
gún tsí ài lí tsi̍t-lâng
火車慢慢咧駛出車站
hué-tshia bān-bān leh sái tshut tshia-tsām
阮的心情顛倒變輕鬆
gún ê sim-tsîng tian-tò piàn khin-sang
因為你的眼神
in-uī lí ê gán-sîn
予我感覺猶有希望
hōo guá kám-kak iáu-ū hi-bāng
(refrain)
一个人徛踮月台邊
tsi̍t-ê lâng khiā tiàm gue̍h-tâi pinn
看著火車遠遠駛向前去
khuànn-tio̍h hué-tshia hn̄g-hn̄g sái hiòng-tsiân khì
想起咱的愛情
siūnn-khí lán ê ài-tsîng
是遐爾酸甘蜜甜
sī hiah-nī sng-kam bi̍t-tinn
我會每工思念你
guá ē muí-kang su-liām lí
你是千萬毋通共我放袂記
lí sī tshian-bān m̄-thang kā guá pang-buē-kì
千萬毋通放袂記
tshian-bān m̄-thang pang-buē-kì
我會每工思念你
guá ē muí-kang su-liām lí
