彩色西門町

《彩色西門町》 Tshái-sik Se-mn̂g-ting
任賢齊Jîm Hiân-tsê
——————————

行過男男女女戀愛的彩色西門町
kiânn kuè lâm-lâm-lú-lú luân-ài ê tshái-sik Se-mn̂g-ting
講正經 有阮少年的心情
kóng tsìng-king, ū gún siàu-liân ê sim-tsîng
吞吞吐吐的寂寞
thun-thun thòo-thòo ê tsi̍k-bo̍k
嘛毋是三兩句講會明
mā m̄-sī sann-nn̄g-kù kóng ē bîng
雄雄想起 定定心肝破兩爿
hiông-hiông siūnn-khí, tiānn-tiānn sim-kuann phuà nn̄g-pîng
毋知 伊敢有幸福 快樂
m̄-tsai i kám ū hīng-hok khuài-lo̍k
抑是佇感情世界 仝款浮浮沉沉
ia̍h-sī tī kám-tsîng sè-kài kāng-khuán phû-phû-tîm-tîm

無緣的感情像風景
bô-iân ê kám-tsîng tshiūnn hong-kíng
閣留戀只有心冰冰
koh liû-luân tsí-ū sim ping-ping
你的形影 你的笑容
lí ê hîng-iánn, lí ê tshiò-iông
猶原是遐爾無要無緊
iu-guân sī hiah-nī bô-iàu-bô-kín
落魄的怨嘆阮知情
lo̍k-phik ê uàn-thàn gún tsai-tsîng
若回頭笑阮無本領
nā huê-thâu tshiò gún bô pún-líng
阮的暗淡 阮的目屎
gún ê àm-tām, gún ê ba̍k-sái
是因為行過青春的彩色西門町
sī in-uī kiânn kuè tshing-tshun ê tshái-sik se-mn̂g-ting