開學規矩歌 

開學規矩歌     授課:淑靜老師

今日是咱開學日,我來紹介我家己。

來到黎明第二年,欲來予你捌規矩。

Kin-ji̍t sī lán khai-hák-ji̍t, guá lâi siāu-kài guá ka-kī.

Kàu-tann hùn-tō tē sann nî, beh lâi hōo-lí bat kui-kí.

暗時無事較緊睏,透早才袂腦鈍鈍。

工課會當早做了,絕對予你順順順。

Àm-sî bô-sū khah-kín khùn, thàu-tsá tsiah-bē náu tùn-tùn.

Khang-khuè ē-tàng tsá tsò liáu, tsua̍t-tuì hōo-lí sūn-sūn-sūn.

電腦平版電視機,光線姿勢愛注意。

連紲莫用半點鐘,目睭永遠清清清。

Tiān-náu pênn-pán tiān-sī-ki, kng-suànn tsu-sè  ài tsù-ì.

Liân-suà mài iōng puànn tiám-tsing, ba̍k-tsiu íng-uán tshing- tshing- tshing.

下課咧耍莫冤家,上好會當大讓細。

若是傷番共我揣,我袂予你起怨慼。

Hā-khòo leh sńg mài uan-ke, siōng-hó ē-tàng tuā niū sè.

Nā-sī siunn huan kā guá tshuē, guá bē hōo lí khí uàn-tsheh.

車來和你相閃身,目睭著愛擘予金。

那行那耍無專心,挵著柱仔予雷唚。

Tshia lâi hām lí sio-siám-sin, ba̍k-tsiu tio̍h-ài peh hōo kim.

Ná kiânn ná sńg bô tsuan-sim, lòng-tio̍h thiāu-á hōo luî tsim.

食薰啉酒毋通學,檳榔溪仔嘛有毒。

面老喙臭包尿布,時到後悔彼當初。

Tsia̍h-hun lim-tsiú m̄-thang o̍h, pun-nn̂g khe-á mah ū to̍k.

Bīn lāu tshuì tshàu pau liō-pòo, sî-kàu hiō-hué hit tong-tshoo.

大事小事袂少字,請你一定愛記得。

照品照行無代誌,袂當鬼牽遛遛去。

Tuā-sū sió-sū bē-tsió jī, tshiánn lí it-tīng ài kì-tit.

Tsiàu-phín-tsiàu-kiânn bô tāi-tsì, bē-tàng kuí khan liù-liù-khì.

祝恁平安閣順序,厝內囡仔好育飼。

阿公阿媽食百二,規家伙仔大趁錢。

Tsiok lín pîng-an koh sūn-sī, tshù-lāi gín-á hó io-tshī.

A-kong a-má tsia̍h pah jī, kui-ke-hué-á tuā thàn-tsînn.