去年阮學校當在起教室，本來的運動埕存一輸輸阿ㄋㄧㄚˊ，所以彼年阮學校的運動會甲巴列學校特別不同款。
[@more@]
運動會彼天透早，阮全校的學生仔就在學校頭前的大埕集合，老師先ㄔㄨㄚ阮做15分鐘的柔軟體操，然後去牽阮隨人的腳踏車，大家開始一個一個騎鐵馬向羅東運動公園出發，你想看麥：全校514位學生仔甲50位老師、職員一人一台車的陣容，看起來是外泥壯觀！阮先騎去學校邊仔的泊岸腳集合，然後牽車去頂頭a腳踏車專用道踏車，沿路有老師佇在所有的十字路口指揮交通，嘛有幾掛老師騎黑多bye隊在專用道下面的公路上，雖然大家攏騎甲大粒汗、小粒汗，但是風微微阿吹，一息阿就將阮汗水吹甲搭批批！
有幾掛查圃囝仔盡牛隔盡皮，定定攏想要超阮查某囝仔a車，這當陣老師就會ㄅㄨㄣ彼彼阿甲警告，所以雖然人盡濟，但是阮一班一班攏盡規矩，按照指定的路線一路踏落去，11點半左右，阮所有的學生仔就攏騎到羅東運動公園了。
學校的灶腳阿姨阿，早就將阮的午餐便當送到現場等阮囉，因為是運動會，所以彼天的便當菜特別澎湃，有：雞腿、滷蛋邀擱有滷豆干、炒米粉，逐家攏食甲嘴笑目笑，盡歡喜麻盡滿足。
格來的節目就是阮學生仔的歌舞比賽，在羅東運動公園的水上舞台ㄏㄧㄚ，每一班派出班上尚熬的歌星、舞星出來比賽：有人唱歌、有人跳舞、擱有人出來講笑虧、朗囂話，逐個學生仔嘴仔笑甲離腮腮，拍破阿聲、ㄎㄨㄛ哨阿聲，擱有盡濟人甚至站起來做夥唱、做夥搖，現場耶賽講是「老人食麻油、盡鬧熱」，連老師麻甲阮唱歌拉曲，最後阮擱學生仔唱歌PK大比賽，你猜看麥？最後是誰人贏呢？———答案當然是阮學生仔，因為阮人濟力量大，老師當然不是阮的對手阿！
明年阮學校的新教室甲活動中心就會起好阿，到時學校的運動會一定會改在活動中心內底舉行，所以吉界的運動會特別使人懷念，麻甲別間學校的運動會特別不同款哦！
原著:沈依穎老師