一生只愛你

《一生只愛你》It-sing Tsí Ài Lí

王識賢Ông Sik-hiân

——————————————

情是夢中雲煙

tsîng sī bāng-tiong hûn-ian

綴你的形影深深痴迷

tuè lí ê hîng-iánn tshim-tshim tshi-bê

風是阮思念你的情話

hong sī gún su-liām lí ê tsîng-uē

一生有你

it-sing ū lí

阮袂後悔

gún buē hiō-hué

愛是溪中明月

ài sī khe-tiong bîng-gue̍h

總是恬恬出現阮眼前

tsóng-sī tiām-tiām tshut-hiān gún gán-tsîng

雨是阮寄予你的批

hōo sī gún kià hōo-lí ê phue

愛你的心

ài lí ê sim

毋免解說

m̄-bián kái-sueh

一生只愛你一个

it-sing tsí ài lí tsi̍t-ê

想欲永遠來做伙

siūnn-beh íng-uán lâi tsuè-hué

無論山盟抑是海誓

bô-lūn san-bîng ia̍h-sī hái-sè

愛只是一句話

ài tsí-sī tsi̍t-kù uē

一生只愛你一个

it-sing tsí ài lí tsi̍t-ê

真心對待毋是假

tsin-sim tuì-thāi m̄-sī ké

無論千年抑是萬年

bô-lūn tshian-nî ia̍h-sī bān-nî

心內有你

sim-lāi ū lí

勝過萬語千言

sìng-kuè bān-gí tshian-giân