嘆愛情
《嘆愛情》Thàn Ài-tsîng
唐嘉嘉Tn̂g Ka-ka
——————————————
一見鍾情嘛有佮意
it-kiàn tsiong-tsîng–mah ū kah-ì
情人眼中嘛出西施
tsîng-jîn gán-tiong–mah tshut Se-si
談情說愛嘛真投機
tâm-tsîng sueh-ài–mah tsin tâu-ki
戀愛燒熱像黏黐
luân-ài sio-jia̍t tshiūnn liâm-thi
啊像黏黐
ah tshiūnn liâm-thi
啊像黏黐喔
ah tshiūnn liâm-thi–ooh
兩人約束嘛同心肝
nn̄g-lâng iok-sok–mah tâng sim-kuann
毋驚別人嘛來拆散
m̄-kiann pa̍t-lâng–mah lâi thiah-suànn
你我對天嘛來咒誓
lí guá tuì thinn–mah lâi tsiù-tsuā
袂當結合死同伴
buē-tàng kiat-ha̍p sí tông phuānn
啊死同伴
ah sí tông phuānn
啊死同伴
ah sí tông phuānn
三番交代嘛四叮嚀
sam-huan kau-tài–mah sì ting-lîng
雙人愛情嘛永不變
siang-lâng ài-tsîng–mah íng put-piàn
起頭興興
khí-thâu hìng-hìng
尾仔冷冷
bué–á líng-líng
想著實在嘛真了然
siūnn-tio̍h si̍t-tsāi–mah tsin liáu-jiân
啊真了然
ah tsin liáu-jiân
啊真了然喔
ah tsin liáu-jiân–ooh
四肢無力嘛哭失戀
sù-ki bô-la̍t–mah khàu sit-luân
感情破裂嘛一切空
kám-tsîng phò-lia̍t–mah it-tshè khang
由愛變恨極怨嘆
iû ài piàn hūn ki̍k uàn-thàn
世間這款嘛真濟人
sè-kan tsit khuán–mah tsin tsuē lâng
啊真濟人
ah tsin tsuē lâng
啊真濟人
ah tsin tsuē lâng