美麗的相逢
《美麗的相逢》Bí-lē ê Siong-hông
龍千玉Liông Tshian-gio̍k
——————————————
用青春的跤步
iōng tshing-tshun ê kha-pōo
行向溫暖的太陽
kiânn hiòng un-luán ê thài-iông
一步一步行來
tsi̍t-pōo-tsi̍t-pōo kiânn–lâi
總有天看顧
tsóng ū thinn khuànn-kòo
看人生的旅途
khuànn jîn-sing ê lú-tôo
風雨編織著幸福
hong-hōo pian-tsit tio̍h hīng-hok
雖然有時
sui-jiân ū-sî
嘛會沃甲澹糊糊
mā ē ak kah tâm-kôo-kôo
我用真心
guá iōng tsin-sim
等待你對我的笑容
tán-thāi lí tuì guá ê tshiò-iông
因為你行入阮心中
in-uī lí kiânn-ji̍p gún sim-tiong
愛你的夢免療傷
ài lí ê bāng bián liâu-siong
月圓月缺
gue̍h înn gue̍h khih
總是美麗的相逢
tsóng-sī bí-lē ê siong-hông
雖然真短暫
sui-jiân tsin té-tsiām
並無代表是全部
pīng bô tāi-piáu sī tsuân-pōo
因為你
in-uī lí
永遠蹛佇阮心中
íng-uán tuà tī gún sim-tiong
