雙面刀鬼

火燒島Hué-sio-tó（Burning Island）

雙面刀鬼 Siang-bīn-to-kuí（Two-Face）

———————————————-

佇我面頭前 你就有罪 閣爭幾擺我也毋信

Tī guá bīn-thâu-tsîng, lí tō ū tsuē, koh tsinn kuí pái guá iā m̄-sìn

你免緊張 予你 喘一口氣

Lí bián kín-tiunn, hōo lí, tshuán tsi̍t-kháu khuì

食頓腥臊 莫食傷緊 啊無哽著就無彩物

Tsia̍h tǹg tshenn-tshau, mài tsia̍h siunn kín, ah-bô kénn-tio̍h tō bô-tshái-mi̍h

順紲 佇遮簽字 就會用出去

Sūn-suà, tī tsia tshiam-jī, tō ē-īng tshut-khì

你講你毋是真正的兇手 問題是社會攏按呢來認定

LÍ kóng lí m̄-sī tsin-tsiànn ê hiong-tshiú, būn-tê sī siā-huē lóng án-ne lâi jīn-tīng

阮有阮家己愛破案的壓力 毋願來配合就莫怪我無情

Gún ū gún ka-kī ài phò-àn ê ap-li̍k, m̄-guān lâi phuè-ha̍p tō mài kuài guá bô-tsîng

我看你是敬酒毋食欲食罰酒

Guá khuànn lí sī kìng-tsiú m̄ tsia̍h beh tsia̍h hua̍t-tsiú

目睭擘明 莫共恁爸傷過假痟

Ba̍k-tsiu peh bîng, mài kā lín-pē siunn-kè ké-siáu

請頓粗飽的 吞予落去 免哀 無人會聽見

Tshiánn tǹg tshoo-pá–ê, thun hōo lo̍h-khì, bián-ai, bô-lâng ē thiann-kìnn

你若毋招 我共你講 這才開始

Lí nā m̄ tsiau, guá kā lí kóng, tse tsâi khai-sí

灌水 搧喙 欺瞞 剾洗 恐喝 凌遲 我就是正義

Kuàn-tsuí, siàn-tshuì, khi-muâ, khau-sé, khióng-hat, lîng-tî, guá tō sī tsìng-gī

灌水 搧喙 欺瞞 剾洗 恐喝 凌遲 我就是正義

Kuàn-tsuí, siàn-tshuì, khi-muâ, khau-sé, khióng-hat, lîng-tî, guá tō sī tsìng-gī

我講我就是司法的正義 會當予你一个公理

Guá kóng guá tō sī su-huat ê tsìng-gī, ē-tàng hōo lí tsi̍t-ê kong-lí

我講我就是司法的正義 公理毋是你的清白

Guá kóng guá tō sī su-huat ê tsìng-gī, kong-lí m̄-sī lí ê tshing-pi̍k

我講我就是司法的正義 予你求生不得予你求死不能

Guá kóng guá tō sī su-huat ê tsìng-gī, hōo lí kiû-sing put-tik hōo lí kiû-sí put-lîng

我講我就是司法的正義 予你求生不得予你求死真緊

Guá kóng guá tō sī su-huat ê tsìng-gī, hōo lí kiû-sing put-tik hōo lí kiû-sí tsin kín

阮攏看袂見 也分袂清

Gún lóng khuànn bē kìnn, iā hun bē tshing

結果是正義？亦是無天理？

Kiat-kó sītsìng-gī? Ia̍h-sī bô thian-lí

這是毋是 國家殺人？

Tse sī-m̄-sī, kok-ka sat-jîn?

伊敢毋是 雙面刀鬼？

I kám-m̄-sī, siang-bīn-to-kuí?

阮攏看袂見 也分袂清

Gún lóng khuànn bē kìnn, iā hun bē tshing

結果是正義？亦是無天理？

Kiat-kó sītsìng-gī? Ia̍h-sī bô thian-lí

這是毋是 國家殺人？

Tse sī-m̄-sī, kok-ka sat-jîn?

伊敢毋是 雙面刀鬼？

I kám-m̄-sī, siang-bīn-to-kuí?