酒逢知己
《酒逢知己》Tsiú Hông Ti-kí
阿錡A-kî
——————————————
酒逢知己千杯少
tsiú hông ti-kí tshian-pue siáu
朋友快樂在今宵
pîng-iú khuài-lo̍k tsāi kim-siau
你喝六連我七撨
lí huah la̍k–liân guá tshit-tshiâu
啉酒的人上消遙
lim-tsiú ê lâng siōng siau-iâu
一喙一喙共啉落
tsi̍t-tshuì tsi̍t-tshuì kā lim–lo̍h
啉酒的人莫囉嗦
lim-tsiú ê lâng mài lo-so
做伙啉酒無煩惱
tsuè-hué lim-tsiú bô huân-ló
咱的感情
lán ê kám-tsîng
會閣較好
ē koh-khah hó
啊~閣斟一杯敬知己
ah~ koh thîn tsi̍t-pue kìng ti-kí
往事咱共攏總放予去
óng-sū lán kā lóng-tsóng pàng hōo khì
心事毋通囥過暝
sim-sū m̄-thang khǹg kuè mî
啉予醉醉閣開始
lim hōo tsuì-tsuì koh khai-sí
啊~閣斟一杯敬家己
ah~ koh thîn tsi̍t-pue kìng ka-tī
歡歡喜喜
huann-huann-hí-hí
咱來啉規暝
lán lâi lim kui-mî
咱若桃園三結義
lán ná thô-hn̂g sam-kiat-gī
感情可比親兄弟
kám-tsîng khó-pí tshin hiann-tī
